U19 World Cup final: ഇംഗ്ലണ്ടിനെ എറിഞ്ഞിട്ട് കൗമാരപ്പട; ഇന്ത്യക്ക് 190 റണ്സ് വിജയലക്ഷ്യം
Synopsis
61-6ലേക്കും 91-7ലേക്കും കൂപ്പുകുത്തിയ ഇംഗ്ലണ്ട് 100 കടക്കില്ലെന്ന് ഒരു ഘട്ടത്തില് തോന്നിച്ചെങ്കിലും വാലറ്റക്കാരെ കൂട്ടുപിടിച്ച് ജെയിംസ് റ്യൂ നടത്തിയ പോരാട്ടമാണ് ഇംഗ്ലണ്ടിനെ ഭേദപ്പെട്ട സ്കോറിലേക്ക് നയിച്ചത്.
ബാര്ബഡോസ്: അണ്ടര്-19 ലോകകപ്പ് ഫൈനലില്(U19 World Cup final) ഇംഗ്ലണ്ടിനെതിരെ((Team India) ഇന്ത്യക്ക് (England) 190 റണ്സ് വിജയലക്ഷ്യം. ടോസ് നേടി ബാറ്റിംഗിനിറങ്ങിയ ഇംഗ്ലണ്ട് ഇന്ത്യന് പേസാക്രമണത്തിന് മുന്നില് 44.5 ഓവറില് 189 റണ്സിന് ഓള് ഔട്ടായി. 95 റണ്സെടുത്ത ജെയിംസ് റ്യൂ(James Rew) ആണ് ഇംഗ്ലണ്ടിന്റെ ടോപ് സ്കോറര്. ഒരു ഘട്ടത്തില് 61-6ലേക്കും 91-7ലേക്കും കൂപ്പു കുത്തിയ ഇംഗ്ലണ്ടിനെ വാലറ്റക്കാരന് ജെയിംസ് സെയില്സിനെ കൂട്ടുപിടിച്ച് റ്യൂ നടത്തിയ പോരാട്ടമാണ് ഭേദപ്പെട്ട സ്കോറിലേക്ക് നയിച്ചത്. ഇന്ത്യക്കായി അഞ്ച് വിക്കറ്റ് വീഴ്ത്തിയ മീഡിയം പേസര് രാജ് ബാവയും(Raj Bawa) നാലു വിക്കറ്റ് വീഴ്ത്തിയ ഇടം കൈയന് പേസര് രവി കുമാറും(Ravi Kumar) ബൗളിംഗില് തിളങ്ങി.
തുടക്കം രവികുമാറിന്റെ ഇരട്ടപ്രഹരത്തിലൂടെ
ടോസിലെ ഭാഗ്യം ഇംഗ്ലണ്ടിനെ ബാറ്റിംഗില് തുണച്ചില്ല. രണ്ടാം ഓവറില് രവികുമാര് തുടങ്ങിവെച്ച വിക്കറ്റ് വേട്ട രാജ് ബാവ ഏറ്റെടുത്തതോടെ ഇംഗ്ലണ്ട് തകര്ന്നടിഞ്ഞു. ഇന്നിംഗ്സിലെ രണ്ടാം ഓവറില് ഓപ്പണര് ജേക്കബ് ബെഥലിനെ(2) വിക്കറ്റിന് മുന്നില് കുടുക്കിയ രവികുമാറാണ് ഇംഗ്ലണ്ടിനെ ആദ്യം ഞെട്ടിച്ചത്. ഇംഗ്ലണ്ട് സ്കോര് ബോര്ഡില് നാലു റണ്സെ അപ്പോഴുണ്ടായിരുന്നുള്ളു. തന്റെ രണ്ടാം ഓവറില് ഇംഗ്ലണ്ട് നായകന് ടോം പ്രെസ്റ്റിനെ(0)ബൗള്ഡാക്കി രവികുമാര് ഏല്പ്പിച്ച കനത്ത പ്രഹരത്തില് നിന്ന് കരകയറാന് ഇംഗ്ലണ്ട് ശ്രമിച്ചെങ്കിലും രാജ് ബാവക്ക് മുന്നില് തകര്ന്നടിഞ്ഞു.
നടുവൊടിച്ച് രാജ് ബാവ
ഓപ്പണറായ ജോര്ജ് തോമസ് തകര്ത്തടിച്ചതോടെ ഇംഗ്ലണ്ട് ടീം സ്കോര് രണ്ടക്കം കടന്നു. 30 പന്തില് 27 റണ്സെടുത്ത തോമസ് അപകടകാരിയാകുന്നതിനിടെ നല്കിയ അനായാസ ക്യാച്ച് ഇന്ത്യ കൈവിട്ടെങ്കിലും തൊട്ടുപിന്നാലെ തോമസിനെ ക്യാപ്റ്റന് യാഷ് ദുള്ളിന്റെ കൈകളിലെത്തിച്ച് രാജ് ബാവ ആദ്യ വിക്കറ്റ് നേടി. ഈ സമയം ഇംഗ്ലണ്ട് സ്കോര് 37-3 എന്ന നിലയിലായിരുന്നു. അധികം വൈകാതെ വില്യം ലക്സ്റ്റണ്(4), നേരിട്ട ആദ്യ പന്തില് ജോര്ജ് ബെല്(0), റെഹാന് അഹമ്മദ്(10) എന്നിവരെ വീഴ്ത്തി രാജ് ബാവ ഇംഗ്ലണ്ടിന്റെ തകര്ച്ചയുടെ ആക്കം കൂട്ടി.
തിരിച്ചടിച്ച് ജെയിംസ് റ്യൂ
61-6ലേക്കും 91-7ലേക്കും കൂപ്പുകുത്തിയ ഇംഗ്ലണ്ട് 100 കടക്കില്ലെന്ന് ഒരു ഘട്ടത്തില് തോന്നിച്ചെങ്കിലും വാലറ്റക്കാരെ കൂട്ടുപിടിച്ച് ജെയിംസ് റ്യൂ നടത്തിയ പോരാട്ടമാണ് ഇംഗ്ലണ്ടിനെ ഭേദപ്പെട്ട സ്കോറിലേക്ക് നയിച്ചത്. റെഹാന് അഹമ്മദ്(10), അലക്സ് ഹോര്ട്ടണ്(10) എന്നിവര്ക്കൊപ്പം ചെറിയ കൂട്ടുകെട്ടുകളുണ്ടാക്കിയ റ്യൂ ഒമ്പതാമനായി ക്രീസിലെത്തിയ ജെയിംസ് സെയില്സിനൊപ്പം 93 റണ്സിന്റെ കൂട്ടുകെട്ടുയര്ത്തി ഇംഗ്ലണ്ടിനെ കരകയറ്റി. 116 പന്തില് 95 റണ്സെടുത്ത റ്യൂ അര്ഹിച്ച സെഞ്ചുറിക്ക് അഞ്ച് റണ്സകലെ വീണു.
രവി കുമാറിനെ സിക്സടിച്ച് സെഞ്ചുറിയിലെത്താനുള്ള ശ്രമം ബൗണ്ടറിയില് കൗശല് ടാംബെക്ക് അനായാസ ക്യാച്ചായി കൈയിലെത്തിയെങ്കിലും കൈയില് തട്ടി തെറിച്ച പന്തിനെ വീണ്ടും പറന്നു പിടിച്ച പാണ്ഡെ ഇംഗ്ലണ്ട് 200 കടക്കില്ലെന്ന് ഉറപ്പിച്ചു, റ്യൂ മടങ്ങിയതിന് പിന്നാലെ തോമസ് ആസ്പിള്വാളിനെ അതേ ഓവറില് രവി കുമാര് മടക്കി. തൊട്ടുത്ത ഓവറില് ജോഷ്വ ബോയ്ഡനെ വീഴ്ത്തി രാജ് ബാവ അഞ്ച് വിക്കറ്റ് പൂര്ത്തിയാക്കി. 9.5 ഓവറില് 31 റണ്സ് വഴങ്ങിയാണ് രാജ് ബാവ അഞ്ച് വിക്കറ്റെടുത്തത്. ഒമ്പതോവറില് 34 റണ്സിന് രവി കുമാര്ഡ നാലു വിക്കറ്റെടുത്തു. കൗശല് ടാംബെ ഒരു വിക്കറ്റെടുത്തു.
നേരത്തെ ടോസ് നേടി ഇംഗ്ലണ്ട് ബാറ്റിംഗ് തെരഞ്ഞെടുക്കുകയായിരുന്നു. സെമിയില് ഓസ്ട്രേലിയയെ തകര്ത്ത ടീമില് മാറ്റങ്ങളൊന്നുമില്ലാതെയാണ് ഇന്ത്യ കിരീടപ്പോരാട്ടത്തിലും ഇറങ്ങുന്നത്. അഫ്ഗാനിസ്ഥാനെ സെമിയില് തോല്പ്പിച്ച ഇംഗ്ലണ്ട് ടീമിലും മാറ്റങ്ങളൊന്നുമില്ല. തോല്വി അറിയാതെയാണ് ഇന്ത്യയും ഇംഗ്ലണ്ടും ഫൈനല്വരെ എത്തിയത്. .
India U19 (Playing XI): Angkrish Raghuvanshi, Harnoor Singh, Shaik Rasheed, Yash Dhull(c), Nishant Sindhu, Rajvardhan Hangargekar, Dinesh Bana(w), Kaushal Tambe, Raj Bawa, Vicky Ostwal, Ravi Kumar.
England U19 (Playing XI): George Thomas, Jacob Bethell, Tom Prest(c), James Rew, William Luxton, George Bell, Rehan Ahmed, Alex Horton(w), James Sales, Thomas Aspinwall, Joshua Boyden.