കറ്റാലന് പ്രക്ഷോഭം കത്തുന്നു; സീസണിലെ ആദ്യ എല് ക്ലാസികോ അനിശ്ചിതത്വത്തില്
Synopsis
ഒക്ടോബർ 26ന് ബാഴ്സലോണയുടെ ഹോംഗ്രൗണ്ടായ കാംപ് നൗവിലാണ് സീസണിലെ ആദ്യ എൽ ക്ലാസികോ നടക്കേണ്ടത്
ബാഴ്സലോണ: ഈ സീസണിലെ ആദ്യ എൽ ക്ലാസികോ മത്സരത്തിന്റെ വേദി മാറ്റിയേക്കും. ഒക്ടോബർ 26ന് ബാഴ്സലോണയുടെ ഹോംഗ്രൗണ്ടായ കാംപ് നൗവിലാണ് സീസണിലെ ആദ്യ എൽ ക്ലാസികോ നടക്കേണ്ടത്.
ബാഴ്സലോണയിൽ കറ്റാലൻ സ്വാതന്ത്ര്യ പോരാട്ടം രൂക്ഷമായതാണ് മത്സരം മാറ്റുന്നതിനെ കുറിച്ച് ലാ ലിഗ ആലോചിക്കാൻ കാരണം. മത്സരം റയൽ മാഡ്രിഡിന്റെ ഹോം ഗ്രൗണ്ടായ സാന്റിയാഗോ ബെർണബ്യൂവിൽ നടത്താനാണ് ശ്രമിക്കുന്നത്. നിലവിലെ സാഹചര്യത്തിൽ മത്സരവേദി കാംപ് നൗവിൽ നിന്ന് മാറ്റുകയോ അല്ലെങ്കിൽ മറ്റൊരു ദിവസത്തേക്ക് മാറ്റാനോ റയൽ മാഡ്രിഡ് അപേക്ഷിച്ചിട്ടുണ്ട്.
ഇതേസമയം മത്സരം ഒക്ടോബർ 26ന് കാംപ് നൗവിൽ തന്നെ നടക്കണം എന്നാണ് ബാഴ്സലോണയുടെ നിലപാട്. ലാ ലിഗ അധികൃതർ ഇക്കാര്യത്തിൽ ഉടൻ അന്തിമ തീരുമാനമെടുക്കും.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!