ആദ്യ കിരീടമുയര്ത്താന് ചെമ്പട; ക്ലബ് ലോകകപ്പ് ഫൈനല് രാത്രി
Synopsis
പ്രീമിയർ ലീഗിലെ ജൈത്രയാത്രയുടെ ആത്മവിശ്വാസത്തിലാണ് ലിവർപൂൾ ഫൈനലിന് ഇറങ്ങുന്നത്
ദോഹ: ഫിഫ ക്ലബ് ലോകകപ്പ് ചാമ്പ്യൻമാരെ ഇന്നറിയാം. ലിവർപൂൾ കിരീടപ്പോരാട്ടത്തിൽ ബ്രസീലിയൻ ക്ലബ് ഫ്ലമെംഗോയെ നേരിടും. രാത്രി പതിനൊന്ന് മണിക്ക് ദോഹയിലാണ് ഫൈനൽ. സെമിഫൈനലിൽ ലിവർപൂൾ ഒന്നിനെതിരെ രണ്ട് ഗോളിന് മോണ്ടെറെയെയും ഫ്ലെമെംഗോ ഒന്നിനെതിരെ മൂന്ന് ഗോളിന് അൽ ഹിലാലിനെയുമാണ് തോൽപിച്ചത്.
അവസാന 29 കളിയിൽ 27ലും ജയിച്ച ഫ്ലെമെംഗോ 71 ഗോളും സ്കോർ ചെയ്തിട്ടുണ്ട്. പ്രീമിയർ ലീഗിലെ ജൈത്രയാത്രയുടെ ആത്മവിശ്വാസത്തിലാണ് ലിവർപൂൾ ഫൈനലിന് ഇറങ്ങുന്നത്. സെമിയില് ബ്രസീലിയന് താരം റോബര്ട്ടോ ഫിര്മിനോയുടെ ഇഞ്ചുറിടൈമിലെ ഗോളിലായിരുന്നു ലിവര്പൂള് ജയിച്ചത്. ഒന്നിനെതിരെ രണ്ട് ഗോളുകള്ക്കായിരുന്നു ക്ലോപ്പിന്റെ സംഘത്തിന്റെ വിജയം.
ക്ലബ് ലോകകപ്പ് ചരിത്രത്തിലെ ആദ്യ കിരീടമാണ് ചെമ്പടയുടെ ലക്ഷ്യം. കോപ്പ ലിബര്ട്ടഡറോസ് ജേതാക്കളാണ് ഫ്ലെമെംഗോ. റയൽ മാഡ്രിഡാണ് നിലവിലെ ചാമ്പ്യൻമാർ.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!