ആഷിഖ് കുരുണിയന്റെ പിഴവില് ബംഗലൂരുവിനെതിരെ ഗോവയ്ക്ക് സമനില
Synopsis
കൊറോമിനാസിനെ കുരുണിയിന് ബോക്സില് വീഴ്ത്തിയതിന് റഫറി പെനല്റ്റി അനുവദിച്ചു. ലക്ഷ്യം തെറ്റാതെ കൊറോമിനാസ് ഗോവയെ ഒപ്പമെത്തിക്കുകയും ചെയ്തു.
പനജി: ഐഎസ്എല്ലില് കരുത്തരുടെ പോരാട്ടത്തില് ബംഗലൂരുവിനും ഗോവയ്ക്കും ആവേശസമനില. ഇരു ടീമുകളും ഓരോ ഗോള് വീതമടിച്ചു. 62-ാം മിനിറ്റില് ഉദാന്ത സിംഗിലൂടെ ബംഗലൂരുവാണ് ആദ്യം മുന്നിലെത്തിയത്. എന്നാല് ഇഞ്ചുറി ടൈമില് ഫെറാന് കോറോമിനാസ് നേടിയ പെനല്റ്റി ഗോളില് ഗോവ സമനില പിടിച്ചു. സമനിലയോടെ ഗോവ പോയന്റ് പട്ടികയില് ഒന്നാം സ്ഥാനം കാത്തപ്പോള് തുടര്ച്ചയായ രണ്ടാം സമനില വഴങ്ങിയ ബംഗലൂരു ഏഴാം സ്ഥാനത്തായി.
ആദ്യം പത്തുമിനിറ്റില് തന്നെ ആവേശപ്പോരാട്ടമാണ് ഗ്രൗണ്ടില് കണ്ടത്. ഇരു ടീമിന്റെ ഗോള് കീപ്പര്മാര് നിരവധി തവണ പരീക്ഷിക്കപ്പെട്ടു. എന്നാല് പിന്നീട് ഇരു ടീമുകളും കരുതലോടെ കളി മുന്നോട്ട് കൊണ്ടുപോയി. രണ്ടാം പകുതിയില് ആധിപത്യം നേടിയിട്ടും ഗോവയ്ക്ക് ഗോളിലേക്ക് ലക്ഷ്യം വെക്കാനായില്ല. കളിയുടെ ഗതിക്ക് വിപരീതമായി 62-ാം മിനിറ്റില് ഉദാന്ത സിംഗ് ബംഗലൂരുവിനെ മുന്നിലെത്തിക്കുകയും ചെയ്തു.
എന്നാല് സമനിലക്കായി അവസാന മിനിറ്റുകളില് രണ്ടും കല്പിച്ച് പോരാടിയ ഗോവക്ക് മലയാളി താരം ആഷിഖ് കുരുണിയന്റെ പിഴവ് പിടിവള്ളിയായി. കൊറോമിനാസിനെ കുരുണിയിന് ബോക്സില് വീഴ്ത്തിയതിന് റഫറി പെനല്റ്റി അനുവദിച്ചു. ലക്ഷ്യം തെറ്റാതെ കൊറോമിനാസ് ഗോവയെ ഒപ്പമെത്തിക്കുകയും ചെയ്തു.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!