യുണൈറ്റഡില് 'ഫ്രീ'യായി കളിക്കാന് തയ്യാര്; സന്നദ്ധത അറിയിച്ച് ഇതിഹാസ താരം
Synopsis
പ്രതിഫലം വേണ്ടെന്നും മഹത്തായ ക്ലബ്ബിൽ ചേരുകയാണ് ലക്ഷ്യമെന്നും ഹോണ്ട
മാഞ്ചസ്റ്റര്: ഇംഗ്ലീഷ് പ്രീമിയര് ലീഗ് ക്ലബ് മാഞ്ചസ്റ്റര് യുണൈറ്റഡിൽ കളിക്കാന് സന്നദ്ധത അറിയിച്ച് ജാപ്പനീസ് ഇതിഹാസതാരം കെയ്സുകെ ഹോണ്ട. ട്വിറ്ററിലൂടെയാണ് ഹോണ്ടയുടെ പ്രഖ്യാപനം. പ്രതിഫലം വേണ്ടെന്നും മഹത്തായ ക്ലബ്ബിൽ ചേരുകയാണ് ലക്ഷ്യമെന്നും ഹോണ്ട പറഞ്ഞു.
ജൂലൈയിൽ ഓസ്ട്രേലിയന് ക്ലബായ മെൽബൺ വിക്ടറിയിൽ നിന്ന് മാറിയതിന് ശേഷം ഒരു ടീമിലും ഹോണ്ട ചേര്ന്നിരുന്നില്ല. വിക്ടറിക്കായി 24 മത്സരങ്ങളില് എട്ട് ഗോളുകള് ഹോണ്ട നേടിയിരുന്നു. ജപ്പാനായി 98 മത്സരങ്ങളിൽ കളിച്ച ഹോണ്ട 37 ഗോളും നേടി. നിലവില് കംബോഡിയന് ദേശീയ ടീം പരിശീലകന് കൂടിയാണ് ഹോണ്ട.
ഇറ്റലി, നെതര്ലന്ഡ്, റഷ്യ എന്നിവിടങ്ങളിലെ ലീഗുകളില് കളിച്ചിട്ടുള്ള ഹോണ്ടയ്ക്ക് ഇംഗ്ലീഷ് പ്രീമിയര് ലീഗില് ഇതുവരെ അവസരം ലഭിച്ചിട്ടില്ല. റഷ്യന് ലോകകപ്പില് നിന്ന് ജപ്പാന് പുറത്തായതോടെ അന്താരാഷ്ട്ര ഫുട്ബോളില് നിന്ന് ഹോണ്ട വിരമിച്ചിരുന്നു. ലോകകപ്പ് ചരിത്രത്തില് ഏറ്റവും കൂടുതല് ഗോള് നേടിയ ഏഷ്യന് താരമെന്ന നേട്ടം ഹോണ്ടയ്ക്കാണ്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!