റാംസേ തുടക്കമിട്ടു, യുവന്റസിന് മൂന്നാം ജയം; ബഫൺ റെക്കോര്ഡിനൊപ്പം
Synopsis
20-ാം മിനിറ്റില് പിന്നിലായ ശേഷമാണ് യുവന്റസ് ജയിച്ചുകയറിയത്
ടൂറിന്: ഇറ്റാലിയന് ലീഗ് ഫുട്ബോളില് യുവന്റസിന് ജയം. വെറോണയെ ഒന്നിനെതിരെ രണ്ട് ഗോളിനാണ് യുവന്റസ് മറികടന്നത്. 20-ാം മിനിറ്റില് പിന്നിലായ ശേഷമാണ് യുവന്റസ് ജയിച്ചുകയറിയത്. മിഖ്വയേല് വെലോസോയാണ് വെറോണയെ മുന്നിലെത്തിച്ചത്.
മുപ്പത്തിയൊന്നാം മിനിറ്റില് ആരോൺ റാംസേ യുവന്റസിനെ ഒപ്പമെത്തിച്ചു. ആഴ്സനല് മുന്താരമായ റാംസേ യുവന്റസിനായി കരിയറിലെ ആദ്യ ഗോളാണ് നേടിയത്. 49-ാം മിനിറ്റില് ക്രിസ്റ്റ്യാനോ റൊണാള്ഡോ യുവന്റസിനെ മുന്നിലെത്തിച്ചു. നാല് മത്സരങ്ങളില് യുവന്റസിന്റെ മൂന്നാം ജയമാണിത്. 10 പോയിന്റുള്ള യുവന്റസ് പോയിന്റ് പട്ടികയില് രണ്ടാമതാണ്.
അതേസമയം ക്ലബ്ബ് തലത്തിലെ 902-ാം മത്സരം കളിച്ച യുവന്റസ് ഗോളി ബഫൺ പൗളോ മാള്ഡീനിയുടെ റെക്കോര്ഡിനൊപ്പമെത്തി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!