കൂവിയവര്ക്കും അപമാനിച്ചവര്ക്കും നെയ്മറുടെ മാസ് മറുപടി; ഇഞ്ചുറിടൈമില് കണ്ണഞ്ചിപ്പിക്കുന്ന ബൈസിക്കിള് കിക്ക് ഗോള്- വീഡിയോ
Synopsis
മത്സരത്തിന്റെ തുടക്കം മുതല് കൂവിവിളിച്ച കാണികള്ക്ക് ബൈസിക്കിള് കിക്കിലൂടെ മറുപടി നല്കുകയായിരുന്നു നെയ്മര്
പാരിസ്: തിരിച്ചുവരവിൽ അത്യുഗ്രൻ പ്രകടനവുമായി പിഎസ്ജി താരം നെയ്മർ. സീസണിൽ ക്ലബിന് വേണ്ടി ആദ്യമായി ഇറങ്ങിയ ബ്രസീലിയൻ താരത്തിന്റെ വണ്ടര് ഗോളിൽ പിഎസ്ജി സ്ട്രോസ്ബർഗിനെ തോൽപിച്ചു. ഇഞ്ചുറി ടൈമിലായിരുന്നു(90+2) നെയ്മറിന്റെ വിജയഗോൾ.
മത്സരത്തിന്റെ തുടക്കം മുതല് കൂവിവിളിച്ച കാണികള്ക്ക് ബൈസിക്കിള് കിക്കിലൂടെ മറുപടി നല്കുകയായിരുന്നു നെയ്മര്. ഇടതുവിങ്ങിലൂടെ മുന്നേറിയ ഡിയോലയുടെ ക്രോസില് നിന്നാണ് നെയ്മര് ഞെട്ടിച്ചത്. ജയത്തോടെ പിഎസ്ജി ലീഗില് ഒന്നാം സ്ഥാനത്തെത്തി. അഞ്ച് മത്സരങ്ങളില് നാലില് ജയിച്ച പിഎസ്ജിക്ക് 12 പോയിന്റാണുള്ളത്.
നെയ്മറെ അപമാനിക്കുന്ന തരത്തിലുള്ള ബാനര് മത്സരത്തിനിടെ ഗാലറിയില് പിഎസ്ജി ആരാധകരുയര്ത്തി. നെയ്മറെ റെഡ് സ്ട്രീറ്റില് വിറ്റുകൂടെ എന്നായിരുന്നു ബാനറില് എഴുതിയിരുന്നത്. ബാഴ്സലോണയിലേക്ക് മടങ്ങാന് നെയ്മര് നടത്തിയ നീക്കങ്ങളാണ് ആരാധകരെ പ്രകോപിപ്പിച്ചത്. എന്നാല് പിഎസ്ജിക്ക് ജയിക്കാന് നെയ്മറുടെ ഗോള് തന്നെ വേണ്ടിവന്നു.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!