ഛേത്രിയില്ല! സഹല്‍ ആദ്യ ഇലവനില്‍; ബഞ്ചില്‍ രണ്ട് മലയാളികള്‍

ഛേത്രി ഇലവനിലും ബഞ്ചിലും ഇടംപിടിക്കാതിരുന്നപ്പോള്‍ മലയാളി താരം സഹല്‍ അബ്‌ദുല്‍ സമദ് ആദ്യ ഇലവനിലിറങ്ങും

ദോഹ: ലോകകപ്പ് യോഗ്യതാമത്സരത്തില്‍ ശക്തരായ ഖത്തറിനെതിരെ സൂപ്പര്‍ താരം സുനില്‍ ഛേത്രിയില്ലാതെ ഇന്ത്യ. ഛേത്രി ആദ്യ ഇലവനിലും ബഞ്ചിലും ഇടംപിടിക്കാതിരുന്നപ്പോള്‍ മലയാളി താരം സഹല്‍ അബ്‌ദുല്‍ സമദ് ആദ്യ ഇലവനിലിറങ്ങും. കഴിഞ്ഞ മത്സരത്തില്‍ കളിച്ച ആഷിഖ് കുരുണിയനും മറ്റൊരു മലയാളി താരം അനസ് എടത്തൊടികയും ബഞ്ചിലുണ്ട്. 

ദോഹയിലെ ജാസിം ബിന്‍ ഹമാദ് സ്റ്റേഡിയത്തിലാണ് മത്സരം. ഒമാനെതിരെ അവസാന നിമിഷങ്ങളില്‍ കൈവിട്ട ജയത്തിന്‍റെ പേരുദോഷം മായ്‌ക്കാനാണ് ഇന്ത്യയിറങ്ങുന്നത്. അതിനാല്‍ വീറുറ്റ മത്സരം കാണാനാകും എന്ന പ്രതീക്ഷയിലാണ് ആരാധകര്‍. ഒമാനെതിരെ 82 മിനുറ്റുവരെ മുന്നിട്ട ശേഷമാണ് ഇന്ത്യ മത്സരം കൈവിട്ടത്. അതേസമയം അഫ്‌ഗാനിസ്ഥാനെ ആറ് ഗോളിന് തകര്‍ത്തതിന്‍റെ ആത്മവിശ്വാസത്തിലാണ് ഖത്തര്‍ ഇറങ്ങുന്നത്. 

ഇന്ത്യ പ്ലെയിംഗ് ഇലവന്‍

Gurpreet Singh Sandhu, Rahul Bheke, Sandesh Jhingan, Adil Khan, Anirudh Thapa, Abdul Sahal, Manvir Singh, Nikhil Poojary, Udanta Singh, Mandar Rao Dessai and Rowllin Borges.

ഖത്തര്‍ പ്ലെയിംഗ് ഇലവന്‍

Al Sheeb (GK), Pedro, Abdelkarim, Tarek, Bassam, Madibo, Khoukhi, Hatem, Al-Haydos (C), Almoez, Yusuf