ഗിയർ മാറ്റാൻ മടിയാണോ? 10 ലക്ഷത്തിന് താഴെ ഇതാ 5 കിടിലൻ ഓട്ടോമാറ്റിക് കാറുകൾ!

ഇന്ത്യയിൽ കുറഞ്ഞ വിലയിലുള്ള ഓട്ടോമാറ്റിക് കാറുകൾക്ക് ആവശ്യക്കാർ ഏറുകയാണ്. 10 ലക്ഷം രൂപയിൽ താഴെ (എക്സ് ഷോറൂം) വിലയുള്ള 5 ഓട്ടോമാറ്റിക് കാറുകൾ ഇവയാണ്.

മാരുതി സുസുക്കി എസ്-പ്രെസ്സോ

വേരിയന്റ്: VXi (O) AGS

വില: 4.75 ലക്ഷം (എക്സ്-ഷോറൂം)

5-സ്പീഡ് ഓട്ടോമാറ്റിക് ട്രാൻസ്മിഷനോടു കൂടി എത്തുന്ന ഈ വാഹനം ഇന്ത്യയിലെ ഏറ്റവും വിലകുറഞ്ഞ ഓട്ടോമാറ്റിക് കാറുകളിൽ ഒന്നാണ്. ജിഎസ്ടി കുറച്ചതോടെ ഇന്ത്യയിലെ ഏറ്റവും താങ്ങാനാവുന്ന വിലയിൽ പുറത്തിറങ്ങുന്ന കാറായി എസ്-പ്രെസ്സോ മാറി. 4 പേർക്ക് സുഖമായി യാത്ര ചെയ്യാവുന്ന ഈ വാഹനത്തിൽ 68 PS കരുത്തുള്ള 1-ലിറ്റർ പെട്രോൾ എൻജിനാണുള്ളത്.

മാരുതി സുസുക്കി വാഗൺ ആർ

വേരിയന്റ്: VXi AGS

വില: 5.97 ലക്ഷം (എക്സ്-ഷോറൂം)

5-സ്പീഡ് ഓട്ടോമാറ്റിക് VXi വേരിയന്റ് മുതൽ വാഗൺ ആറിൽ ഓട്ടോമാറ്റിക് മോഡൽ ലഭ്യമാണ്. 1-ലിറ്റർ, 1.2-ലിറ്റർ എൻജിനുകളിൽ ഓട്ടോമാറ്റിക് ലഭിക്കുമെന്നതാണ് ഈ വാഹനത്തിന്റെ പ്രത്യേകത. ടോൾ ബോഡി ഡിസൈൻ ആയതുകൊണ്ട് കയറാനും ഇറങ്ങാനും എളുപ്പമാണ്.

ടാറ്റ ടിയാഗോ

വേരിയന്റ്: XTA

വില: 6.31 ലക്ഷം (എക്സ്-ഷോറൂം)

ടാറ്റയുടെ ഏറ്റവും മികച്ച എൻട്രി ലെവൽ ഓട്ടോമാറ്റിക് കാറാണ് ടിയോ​ഗോ. 5-സ്പീഡ് ഓട്ടോമാറ്റിക് വാഹനം പെട്രോളിന് പുറമെ സിഎൻജി പതിപ്പും ലഭ്യമാണെന്നതാണ് ഏറ്റവും വലിയ പ്രത്യേകത. സുരക്ഷയിലും ഫീച്ചറുകളിലും ഏറെ ടിയാഗോ മുന്നിലാണ്.

മാരുതി സുസുക്കി സ്വിഫ്റ്റ്

വേരിയന്റ്: VXi AGS

വില: 7.04 ലക്ഷം (എക്സ്-ഷോറൂം)

5-സ്പീഡ് ഓട്ടോമാറ്റിക് ട്രാൻസ്മിഷനോട് കൂടി എത്തുന്ന ഈ വാഹനം യുവതലമുറയുടെ പ്രിയപ്പെട്ട കാറുകളിലൊന്നാണ്. സ്വിഫ്റ്റിൽ പുതിയ 1.2 ലിറ്റർ പെട്രോൾ എൻജിനൊപ്പം VXi വേരിയന്റ് മുതൽ ഓട്ടോമാറ്റിക് ലഭ്യമാണ്. 82 PS കരുത്ത് നൽകുന്ന ഈ എൻജിൻ മികച്ച ഡ്രൈവിംഗ് അനുഭവം ഉറപ്പുനൽകുന്നു.

ഹ്യുണ്ടായ് i20

വേരിയന്റ്: Magna IVT

വില: 8.13 ലക്ഷം (എക്സ്-ഷോറൂം)

പ്രീമിയം ഹാച്ച്ബാക്ക് സെഗ്‌മെന്റിൽ നിന്നുള്ള ഈ വാഹനത്തിൽ CVT ഗിയർബോക്സാണുള്ളത്. സാധാരണ ഓട്ടോമാറ്റിക്കിനേക്കാൾ കൂടുതൽ സുഗമമായ ഡ്രൈവിംഗ് അനുഭവം CVT വാഗ്ദാനം ചെയ്യുന്നു.