ആശുപത്രി വാര്‍ഡ് കതിര്‍മണ്ഡപമായി; ശരത്തും അഭിരാമിയും താലി ചാര്‍ത്തി
First Published Apr 26, 2021, 9:17 AM ISTഈ കാലവും കടന്ന് പോകും... മഹാമാരിക്കിടെയില്‍ മനുഷ്യന്‍റെ സമയക്രമങ്ങളാണ് ഇല്ലാതായത്. അതുവരെയുണ്ടാക്കിയിരുന്ന സമയക്രമങ്ങളെല്ലാം ഇപ്പോള്‍ കൊവിഡ് മഹമാരിക്ക് ചുറ്റും കറങ്ങിക്കൊണ്ടിരിക്കുകയാണ്. നിശ്ചയിച്ച വിവാഹം മഹാമാരി പടര്‍ന്ന് പിടിക്കുന്നതിനിടെ നീണ്ടുപോയപ്പോള്‍, സുരക്ഷാ മാനദണ്ഡങ്ങള്‍ പാലിച്ച്, ആലപ്പുഴ വണ്ടാനം മെഡിക്കല്‍ കോളേജ് ആശുപത്രി ഇന്നലെ ഒരു അപൂര്‍വ്വ സംഗമത്തിന് സാക്ഷിയായി. ആശുപത്രിയിലെ കൊവിഡ് വാര്‍ഡായ നാലാം വാര്‍ഡ് ഇന്നലെ അല്പ നേരത്തേക്ക് കതിര്‍ മണ്ഡപമായി മാറി. സര്‍വ്വാഭരണ ഭൂഷിതയായി എത്തേണ്ട വധു പിപിഇ കിറ്റ് ധരിച്ചെത്തി. ആശുപത്രി വാര്‍ഡ് കതിര്‍മണ്ഡപമായി. വരവും വധുവും നിശ്ചയിച്ചുറപ്പിച്ച സമയത്ത് താലി ചാര്‍ത്തി. പ്രോട്ടോക്കോള്‍ പാലിച്ച് ഏതാനും പേര്‍ സാക്ഷികളുമായി.