ജഡ്ജിമാരുടെയും അഭിഭാഷകരുടെയും ക്രിക്കറ്റ് മത്സരം; ചീഫ് ജസ്റ്റിസ് എസ് എ ബോബ്ഡെയ്ക്ക് 13 റണ്സ്
First Published Feb 2, 2021, 10:37 AM ISTമഹാരാഷ്ട്രയിലെ നാഗ്പൂരില് ജനുവരി 31 ന് ഒരു രസകരമായ ക്രിക്കറ്റ് മത്സരം നടന്നു. ജഡ്ജിമാരും അഭിഭാഷകരും തമ്മിലുള്ള സൗഹൃദ ക്രിക്കറ്റ് മത്സരമായിരുന്നു അത്. നാഗ്പൂരിലെ സിവിൽ ലൈൻസ് ഏരിയയിലെ വിദർഭ ക്രിക്കറ്റ് അസോസിയേഷൻ മൈതാനത്ത് നടന്ന ടി20 മത്സരത്തിൽ ആദ്യം ബാറ്റ് ചെയ്ത ‘ജഡ്ജസ് ഇലവൻ’ 138 റൺസ് നേടി. എന്നാൽ, വെറും 19.3 ഓവറിൽ ലക്ഷ്യം നേടിയ 'അഡ്വക്കേറ്റ്സ് ഇലവൻ’ മത്സരത്തില് വിജയിച്ചു. ആദ്യം ബാറ്റ് ചെയ്ത് 13 റണ്സ് നേടിയ ചീഫ് ജസ്റ്റിസ് എസ് എ ബോബ്ഡെ രണ്ട് ഓവര് എറിയുകയും 17 റണ്സ് വിട്ടുകൊടുക്കുകയും ചെയ്തതായി ഒരു ഹൈക്കോടതി ബാർ അസോസിയേഷൻ ഉദ്യോഗസ്ഥൻ പറഞ്ഞതായി ഔട്ട്ലുക്ക് റിപ്പോര്ട്ട് ചെയ്തു. സിജെഐ ബോബ്ഡെയുടെ ജന്മനാടാണ് നാഗ്പൂർ. ലൈവ് ലോയാണ് ക്രിക്കറ്റ് മത്സരത്തിന്റെ ചിത്രങ്ങള് സാമൂഹ്യമാധ്യമങ്ങളില് പങ്കുവച്ചത്. ചിത്രങ്ങള്ക്ക് താഴെ രസകരമായ കമന്റുകളാണ് ആളുകള് കുറിച്ചിരിക്കുന്നത്.