ലിപ് പ്ലേറ്റുകള്, മുഖത്ത് ചായം, വ്യത്യസ്തമായ ജീവിതരീതി പിന്തുടരുന്ന സമൂഹം; കാണാം ചിത്രങ്ങള്
ആദിവാസി ഗോത്രങ്ങൾക്കിടയിൽ പല വിചിത്രമായ ആചാരങ്ങളും നിലനിന്നിരുന്നു. എത്യോപ്യയിലെ ഓമോ താഴ്വരയുടെ പടിഞ്ഞാറ് ഭാഗത്ത് താമസിക്കുന്ന സൂരി ബാലെ ഗോത്രത്തിലെ സ്ത്രീകളും വളരെ വിചിത്രമായ ഒരാചാരം പിന്തുടരുന്നവരാണ്. 12 വയസിൽ അവിടത്തെ സ്ത്രീകളുടെ താഴത്തെ നിരയിലുള്ള രണ്ട് പല്ലുകൾ എടുത്ത് കളയുകയും കീഴ്ച്ചുണ്ട് മുറിക്കുകയും ചെയ്യുന്നു. എന്തിനെന്നോ? സമ്പന്നനായ ഒരു ഭർത്താവിനെ കിട്ടാൻ. തദ്ദേശീയ ഗോത്രത്തിൽ ഒരു മനുഷ്യന്റെ സമ്പത്ത് കണക്കാക്കുന്നത് അയാളുടെ ഉടമസ്ഥതയിലുള്ള പശുക്കളുടെ എണ്ണം നോക്കിയാണ്. കൂടുതൽ പശുക്കൾ കൈവശമുള്ള സമ്പന്നരായ പുരുഷന്മാരെ കിട്ടാൻ ഇത് മാത്രമല്ല അവർ ചെയ്യുന്നത്. പുരുഷന്മാരെ ആകർഷിക്കുന്നതിനായി ഈ മുറിച്ച ചുണ്ടുകൾക്കിടയിൽ 24 ഇഞ്ച് വരെ നീളമുള്ള ലിപ് പ്ലേറ്റുകൾ തിരുകിക്കയറ്റുന്നു. ഇത് സ്ത്രീകളെ കൂടുതൽ സുന്ദരികളാക്കും എന്നാണ് അവരുടെ വിശ്വാസം.
വെറും 12 വയസ്സ് മാത്രം ഉള്ളപ്പോൾ പെൺകുട്ടികളുടെ ചുണ്ട് ഒരു മുള്ളുകൊണ്ട് ഉയർത്തി ബ്ലേഡ് ഉപയോഗിച്ച് മുറിക്കുന്നു. ഇത് അവർക്കിടയിൽ അഭിമാനകരമായ ഒരു കാര്യമാണ്. ലിപ് പ്ലഗുകൾ എന്നറിയപ്പെടുന്ന ഈ ലിപ് പ്ലേറ്റുകൾ ഗോത്രവർഗക്കാർക്കിടയിൽ സൗന്ദര്യം വർദ്ധിപ്പിക്കുമെന്ന് കരുതപ്പെടുന്നു. വലിയ കളിമൺ പ്ലേറ്റുകൾ ധരിക്കുന്നതിനായി പല സ്ത്രീകളും അവരുടെ താഴത്തെ നിരയിലെ പല്ലുകൾ നീക്കം ചെയ്യുന്നു.
വെറും 12 വയസ്സ് മാത്രം ഉള്ളപ്പോൾ പെൺകുട്ടികളുടെ ചുണ്ട് ഒരു മുള്ളുകൊണ്ട് ഉയർത്തി ബ്ലേഡ് ഉപയോഗിച്ച് മുറിക്കുന്നു. ഇത് അവർക്കിടയിൽ അഭിമാനകരമായ ഒരു കാര്യമാണ്. ലിപ് പ്ലഗുകൾ എന്നറിയപ്പെടുന്ന ഈ ലിപ് പ്ലേറ്റുകൾ ഗോത്രവർഗക്കാർക്കിടയിൽ സൗന്ദര്യം വർദ്ധിപ്പിക്കുമെന്ന് കരുതപ്പെടുന്നു. വലിയ കളിമൺ പ്ലേറ്റുകൾ ധരിക്കുന്നതിനായി പല സ്ത്രീകളും അവരുടെ താഴത്തെ നിരയിലെ പല്ലുകൾ നീക്കം ചെയ്യുന്നു.