വെട്രിവേല്‍ യാത്രയ്ക്ക് തടയിട്ട് തമിഴ്നാട്; ബിജെപി സംസ്ഥാന അധ്യക്ഷനും നാനൂറ് പ്രവര്‍ത്തകരും അറസ്റ്റില്‍
First Published Nov 6, 2020, 4:27 PM IST
ഒരു ശക്തിക്കും തടയാന്‍ സാധിക്കില്ലെന്ന് അവകാശപ്പെട്ട് തമിഴ്നാട് ബിജെപി ഘടകം ആരംഭിച്ച വെട്രിവേല്‍ യാത്ര ഇടപ്പാടി കെ പളനിസ്വാമിയുടെ എഐഎഡിഎംകെ സര്‍ക്കാര്‍ തടഞ്ഞു. നാനൂറോളം പ്രവര്‍ത്തകരോടൊപ്പം ബിജെപി സംസ്ഥാന അധ്യക്ഷന്‍ എല്‍ മുരുകനെയും പൊലീസ് കസ്റ്റഡിയിലെടുത്തു. തിരുവള്ളൂരില്‍ വച്ചാണ് പൊലീസ് യാത്ര തടഞ്ഞത്. രാവിലെ പൂനമല്ലിക്ക് സമീപത്ത് വച്ച് പൊലീസ് യാത്ര തടയാന്‍ ശ്രമിച്ചിരുന്നെങ്കിലും സംഘര്‍ഷമുണ്ടായതിനെ തുടര്‍ന്ന് വിട്ടയക്കുകയായിരുന്നു. എന്നാല്‍ കൂടുതല്‍ പൊലീസ് സന്നാഹത്തോടെ തിരുവള്ളൂരില്‍ വച്ച് പൊലീസ് യാത്ര തടയുകയും നേതാക്കളെയും പ്രവര്‍ത്തകരെയും അറസ്റ്റ് ചെയ്യുകയുമായിരുന്നു.