ഗർഭച്ഛിദ്ര നിയമം !! മെക്സിക്കോയിൽ ഫെമിനിസ്റ്റുകൾ തെരുവിൽ...
First Published Sep 29, 2020, 10:45 AM ISTകൊവിഡ് 19 മഹാമരിക്കിടയിലും കത്തിയമർന്ന് മെക്സിക്കൻ നഗരങ്ങൾ. മെക്സിക്കോ സിറ്റിയിൽ അന്താരാഷ്ട്ര സുരക്ഷിത ഗർഭച്ഛിദ്ര ദിനത്തോടനുബന്ധിച്ച് നടത്തിയ മാർച്ചിനിടെയാണ് സ്ത്രീകൾ പൊലീസുമായി ഏറ്റുമുട്ടിയത്. ലാറ്റിനമേരിക്കയിലെ ഗർഭച്ഛിദ്ര നിയമങ്ങൾ മാറ്റിയെഴുതണം എന്നാവശ്യപ്പെട്ടാണ് ആയിരക്കണക്കിന് സ്ത്രീകൾ തെരുവിലിറങ്ങിയത്. കഴിഞ്ഞ മാസം ഒന്നിന് സമാന ആവശ്യങ്ങളുമായി സ്ത്രീകൾ മെക്സിക്കോയിലെ തെരുവുകളിൽ പ്രതിഷേധിച്ചിരുന്നു. എന്നാൽ ഇക്കുറി കലാപത്തിന്റെ സ്വഭാവമായിരുന്നു പ്രതിഷേധത്തിന്. സുരക്ഷിതവും നിയമപരവുമായ ഗർഭച്ഛിദ്രം എന്ന ഇവരുടെ ആവശ്യം ചെവിക്കൊള്ളാൻ സർക്കാർ ഇതുവരെയും തയ്യാറാവാത്തതാണ് പ്രതിഷേധം കനക്കാൻ കാരണം. അവകാശ പ്രസ്ഥാനത്തിന്റെ പ്രതീകമായ പച്ച നിറത്തിലുള്ള തൂവാല ധരിച്ചാണ് മിക്ക സ്ത്രീകളും പ്രതിഷേധത്തിൽ പങ്കെടുത്തത്.