അഫ്‍ഗാന്‍ നടിയും സംവിധായകയുമായ സാബ സഹാറിന് വെടിയേറ്റു
First Published Aug 27, 2020, 12:30 PM ISTഅഫ്ഗാനിസ്ഥാനിലെ ആദ്യ വനിതാ ചലച്ചിത്ര സംവിധായകരിലൊരാളായ സാബ സഹാറിന് തലസ്ഥാനമായ കാബൂളിൽ വെച്ച് വെടിയേറ്റു. 44 കാരിയെ ആശുപത്രിയിലെത്തിച്ചെങ്കിലും അപകടനില തരണം ചെയ്തിട്ടില്ലെന്നാണ് റിപ്പോര്‍ട്ടുകള്‍. ചൊവ്വാഴ്ച ജോലിക്ക് പോകുമ്പോള്‍ മൂന്ന് തോക്കുധാരികൾ കാറിന് നേരെ വെടിയുതിർക്കുകയായിരുന്നുവെന്ന് ഭർത്താവ് എമാൽ സാകി പറഞ്ഞു. എന്നാല്‍ ഒരു ഗ്രൂപ്പും ആക്രമണത്തിന്‍റെ ഉത്തരവാദിത്വം ഏറ്റെടുത്തിട്ടില്ല.