മധ്യ ആഫ്രിക്കയില് ശക്തിപ്രാപിച്ച് ഇസ്ലാമിക തീവ്രവാദം; നൈജറില് 137 പേരെ വെടിവെച്ച് കൊലപ്പെടുത്തി
മാലിയുടെ കിഴക്കന് അതിര്ത്തി രാജ്യമായ നൈജറില് മോട്ടോര് ബൈക്കിലെത്തിയ ജിഹാദികള് തഹുവ മേഖലയിലെ ഗ്രാമങ്ങളിൽ നടത്തിയ വെടിവെപ്പില് 137 പേര് കൊല്ലപ്പെട്ടു. നൈജറിന്റെ ചരിത്രത്തില് വച്ച് ഏറ്റവും വലിയ കൂട്ടക്കൊലയാണ് നടന്നതെന്ന് വിദേശ മാധ്യമങ്ങള് റിപ്പോര്ട്ട് ചെയ്തു. മാലി അതിര്ത്തി പ്രദേശമായ തഹുവയിലാണ് ഞായറാഴ്ച കൂട്ടക്കൊല അരങ്ങേറിയത്. മോട്ടോർ ബൈക്കിലെത്തിയ തോക്കുധാരികൾ ഞായറാഴ്ച ഇന്റാസയീൻ, ബക്കോറാത്ത്, വിസ്തെയ്ൻ ഗ്രാമങ്ങളിൽ ആക്രമണം നടത്തുകയായിരുന്നെന്ന് സർക്കാർ വക്താവ് സക്കറിയ അബ്ദുറഹാമൻ പറഞ്ഞു. ദുരിതബാധിതതര്ക്കായി ചൊവ്വാഴ്ച മുതൽ മൂന്ന് ദിവസത്തെ ദേശീയ വിലാപം പ്രഖ്യാപിച്ചു. കുറ്റവാളികളെ നിയമത്തിന് മുന്നില് കൊണ്ടുവരുമെന്നും അദ്ദേഹം പറഞ്ഞു. ഇതോടെ മാലി-നൈഗർ അതിർത്തി പ്രദേശത്ത് ഒരാഴ്ചയ്ക്കുള്ളിൽ നടന്ന അക്രമണങ്ങളില് മരണ സംഖ്യ 236 ആയി.
189 രാജ്യങ്ങളിലെ യുഎന്നിന്റെ വികസന റാങ്കിംഗ് അനുസരിച്ച് ലോകത്തിലെ ഏറ്റവും ദരിദ്രരാജ്യമാണ് നൈജർ. ഇന്ന് മാലിയിലും നൈജീരിയയിലും ശക്തി പ്രാപിച്ച് വരുന്ന ഇസ്ലാമിക തീവ്രവാദികള് നൈജറിലും നിലയുറപ്പിക്കാനുള്ള ശ്രമത്തിലാണ്. ഇസ്ലാമിക തീവ്രവാദത്തെ തുടര്ന്ന് ഇതിനകം നൈജറില് നിന്ന് അരലക്ഷത്തോളം ആളുകള് പലായനം ചെയ്യുകയും നൂറുകണക്കിനാളുകള്ക്ക് ജീവന് നഷ്ടപ്പെടുകയും ചെയ്തു.
189 രാജ്യങ്ങളിലെ യുഎന്നിന്റെ വികസന റാങ്കിംഗ് അനുസരിച്ച് ലോകത്തിലെ ഏറ്റവും ദരിദ്രരാജ്യമാണ് നൈജർ. ഇന്ന് മാലിയിലും നൈജീരിയയിലും ശക്തി പ്രാപിച്ച് വരുന്ന ഇസ്ലാമിക തീവ്രവാദികള് നൈജറിലും നിലയുറപ്പിക്കാനുള്ള ശ്രമത്തിലാണ്. ഇസ്ലാമിക തീവ്രവാദത്തെ തുടര്ന്ന് ഇതിനകം നൈജറില് നിന്ന് അരലക്ഷത്തോളം ആളുകള് പലായനം ചെയ്യുകയും നൂറുകണക്കിനാളുകള്ക്ക് ജീവന് നഷ്ടപ്പെടുകയും ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam