ബം​ഗാളിൽ ത്രിണമൂൽ സ്ഥാനാർത്ഥി കൊവിഡ് ബാധിച്ച് മരിച്ചു

കൊവിഡ് പോസീറ്റീവാണെന്ന് തിരിച്ചറിഞ്ഞ് രണ്ട് ദിവസം കഴിഞ്ഞ് ഞായറാഴ്ച രാവിലെയായിരുന്നു അന്ത്യം. ‍‍‍

കൊൽക്കത്ത: പശ്ചിമ ബം​ഗാളിൽ ത്രിണമൂൽ കോൺ​ഗ്രസ് സ്ഥാനാർത്ഥി കൊവിഡ് ബാധിച്ച് മരിച്ചു. 59 കാരനായ കാജൽ സിൻഹയാണ് മരിച്ചത്. കൊവിഡ് പോസീറ്റീവാണെന്ന് തിരിച്ചറിഞ്ഞ് രണ്ട് ദിവസം കഴിഞ്ഞ് ഞായറാഴ്ച രാവിലെയായിരുന്നു അന്ത്യം. ‍‍‍ബെലിയഘട്ട ആശുപത്രിയിൽ ചികിത്സയിൽ ആയിരുന്നു.

കാജൽ സിൻഹയുടെ മരണത്തിൽ നടുക്കം രേഖപ്പെടുത്തിയ ബം​ഗാൾ മുഖ്യമന്ത്രി മമതാ ബാന‍ർജി കുടുംബത്തിന്റെ ദുഃഖത്തിൽ പങ്കുചേരുന്നതായും അറിയിച്ചു. ഖർദാഹയിൽ നിന്നുള്ള ടിഎംസി സ്ഥാനാർത്ഥിയായിരുന്നു കാജൽ സിൻഹ. ഏപ്രിൽ 22 നാണ് ഖർദാഹ മണ്ഡലത്തിൽ ഏപ്രിൽ 22നായിരുന്നു നിയമസഭാ മണ്ഡലത്തിലേക്കുള്ള തെരഞ്ഞെടുപ്പ് നടന്നത്. 

ഏപ്രിൽ ആദ്യം ജം​ഗിപൂർ മണ്ഡലത്തിൽ നിന്നുള്ള ആർഎസ്പി സ്ഥാനാർത്ഥി പ്രദീപ് കുമാർ നന്ദിയും കൊവിഡ് ബാധിച്ച് മരിച്ചിരുന്നു. സാംസെർ​ഗെഞ്ച് മണ്ഡലത്തിലെ കോൺ​ഗ്രസ് സ്ഥാനാർത്ഥി റെസൂൽ ഹഖും കൊവിഡ് ബാധിച്ച് മരിച്ചു. പശ്ചിമ ബംഗാളിൽ ഇന്ന് ഏഴാം ഖട്ട തെരഞ്ഞെടുപ്പ് നടക്കുകയാണ്. കൊവിഡ് വ്യാപനത്തെ തുടർന്ന് വൻ നിയന്ത്രണങ്ങളോടെയാണ് തെരഞ്ഞെടുപ്പ് നടക്കുന്നത്.