മുൻ യുഎസ് പ്രസിഡന്റ് ബറാക് ഒബാമയും നടി ജെനിഫര് അനിസ്റ്റണും തമ്മില് പ്രണയത്തിലെന്ന് റിപ്പോർട്ടുകൾ
Synopsis
ഒബാമയും മിഷേലും തമ്മിലുള്ള വിവാഹബന്ധത്തില് വിള്ളല്വീണതായുള്ള അഭ്യൂഹങ്ങളും അടുത്തിടെ പ്രചരിച്ചിരുന്നു. ഇതിനിടയിലാണ് ഒബാമ-അനിസ്റ്റണ് ബന്ധം ചര്ച്ചയാവുന്നത്.
ന്യൂയോര്ക്ക്: അമേരിക്കൻ മുൻ പ്രസിഡന്റ് ബറാക് ഒബാമയും നടി ജെനിഫര് അനിസ്റ്റണും തമ്മില് പ്രണയബന്ധത്തിലാണെന്ന് റിപ്പോര്ട്ടുകള്. ഇരുവരും പ്രണയത്തിലാണെന്ന തരത്തിൽ അന്താരാഷ്ട്ര മാധ്യമങ്ങളിലും സാമൂഹികമാധ്യമങ്ങളിലുമാണ് സ്ഥിരീകരിക്കാത്ത റിപ്പോര്ട്ടുകള് പ്രചരിക്കുന്നത്. മുന് യുഎസ്. പ്രസിഡന്റ് ജിമ്മി കാര്ട്ടറുടെ മരണാനന്തരച്ചടങ്ങുകളിലും ട്രംപിന്റെ സ്ഥാനാരോഹണച്ചടങ്ങിലും മിഷേല് ഒബാമ പങ്കെടുക്കാതിരുന്നത് വാര്ത്തയായിരുന്നു. ഇതും നടിയും ഒബാമയും ബന്ധത്തെപ്പറ്റിയുള്ള ചർച്ചകൾക്ക് വഴിവെച്ചു.
ഒബാമയും മിഷേലും തമ്മിലുള്ള വിവാഹബന്ധത്തില് വിള്ളല്വീണതായുള്ള അഭ്യൂഹങ്ങളും അടുത്തിടെ പ്രചരിച്ചിരുന്നു. ഇതിനിടയിലാണ് ഒബാമ-അനിസ്റ്റണ് ബന്ധം ചര്ച്ചയാവുന്നത്. ഒബാമയോ മിഷേലോ അനിസ്റ്റണോ വിഷയത്തില് ഇതുവരെ ഔദ്യോഗികമായി പ്രതികരിച്ചിട്ടില്ല. എന്നാൽ കഴിഞ്ഞ ജനുവരി 17ന് മിഷേലിന് ജന്മദിനാശംസകൾ നേർന്ന് സോഷ്യൽ മീഡിയ പ്ലാറ്റ്ഫോമായ എക്സിൽ പോസ്റ്റിട്ടിരുന്നു.
എന്റെ ജീവന്റെ ജീവനായ മിഷേലിന് ജന്മദിനാശംസകൾ എന്നായിരുന്നു ഒബാമയുടെ ആശംസ. 18ന് ഈ പോസ്റ്റ് മിഷേലും പങ്കുവെച്ചിരുന്നു. ലവ് യു ഹണി എന്ന കുറിപ്പോടെയാണ് മിഷേൽ ഒബാമയുടെ ജന്മദിനാശംസ ഷെയർ ചെയ്തത്. ഇതിനിടെയിലാണ് ഒബാമയും നടി ജെനിഫര് അനിസ്റ്റണും തമ്മില് പ്രണയബന്ധത്തിലാണെന്ന വാർത്തകൾ വരുന്നതെന്നതും ശ്രദ്ധേയമാണ്.
Read More : ഇന്ത്യ കാത്തിരുന്ന വിധി; യുഎസ് സുപ്രീം കോടതിയുടെ നിർണായക ഉത്തരവ്; കൊടുംഭീകരൻ തഹാവൂർ റാണയുടെ ഹർജി തള്ളി
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam