ഗാസയിൽ അമേരിക്കയുടെ ഇരുപതിന സമാധാന പദ്ധതി അംഗീകരിച്ച് ഇസ്രയേൽ; ഹമാസും അംഗീകരിക്കണമെന്ന് ട്രംപ്
Synopsis
ട്രംപ്-നെതന്യാഹു കൂടിക്കാഴ്ചയിലാണ് അമേരിക്കന് പ്രസിഡന്റ് വെടിനിര്ത്തലിനായി സമാധാന പദ്ധതി അവതരിപ്പിച്ചത്.
വാഷിംഗ്ടൺ: ഗാസയില് യുഎസിന്റെ ഇരുപതിന സമാധാന പദ്ധതി അംഗീകരിച്ച് ഇസ്രയേല്. ട്രംപ്-നെതന്യാഹു കൂടിക്കാഴ്ചയിലാണ് അമേരിക്കന് പ്രസിഡന്റ് വെടിനിര്ത്തലിനായി സമാധാന പദ്ധതി അവതരിപ്പിച്ചത്. എന്നാല് ഇതില് പലസ്തീനെ സ്വതന്ത്രരാജ്യമാക്കാനുള്ള നിർദേശമില്ല. ഹമാസും ഇരുപതിന പദ്ധതി അംഗീകരിക്കണമെന്ന് വ്യക്തമാക്കിയ ട്രംപ് നിര്ദേശം തള്ളിയാല് ഹമാസിനെ ഇല്ലാതാക്കാന് ഇസ്രേയേലിന് പൂര്ണ പിന്തുണ നല്കുമെന്നും പ്രഖ്യാപിച്ചു.
അതേ സമയം, അമേരിക്കയ്ക്ക് പുറത്ത് നിർമ്മിക്കുന്ന എല്ലാ സിനിമകൾക്കും 100 ശതമാനംതാരിഫ് പ്രഖ്യാപിച്ച് യുഎസ് പ്രസിഡന്റ് ഡോണാൾഡ് ട്രംപ്.വിദേശ രാജ്യങ്ങൾഅമേരിക്കയുടെ സിനിമാ വ്യവസായത്തെ 'മോഷ്ടിച്ചു' എന്നാണ് ട്രംപിന്റെ ആരോപണം. ഇത് നിർത്താനാണ് അധിക നികുതിയെന്നും അദ്ദേഹം പറഞ്ഞു. അമേരിക്കയിൽ റിലീസ് ചെയ്യുന്ന ഇന്ത്യൻ സിനിമകളെയും ഇത് ബാധിക്കും.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam