സൂപ്പർ മാർക്കറ്റിൽ പൊട്ടിത്തെറി, ജീവൻ നഷ്ടമായത് 23 പേർക്ക്; മെക്സിക്കോയെ ഞെട്ടിച്ച് ദുരന്തം
Synopsis
മെക്സിക്കോയിലെ വടക്കന് സംസ്ഥാനമായ സൊനോറയുടെ തലസ്ഥാനമായ ഹെര്മോസില്ലോയിലാണ് അപകടമുണ്ടായത്.
സൊനോറ: ലാറ്റിനമേരിക്കൻ രാജ്യമായ മെക്സിക്കോയിൽ സൂപ്പർ മാർക്കറ്റിലുണ്ടായ സ്ഫോടനത്തിൽ 23 പേർ കൊല്ലപ്പെട്ടു. സ്ത്രീകളും കുട്ടികളും ഉള്പ്പെടെയാണ് മരിച്ചത്. 12ലേറെ പേർക്ക് പരിക്കേറ്റു. മെക്സിക്കോയിലെ വടക്കന് സംസ്ഥാനമായ സൊനോറയുടെ തലസ്ഥാനമായ ഹെര്മോസില്ലോയിലാണ് അപകടമുണ്ടായത്. സ്ഫോടനത്തിന് പിന്നാലെയുണ്ടായ തീപിടിത്തത്തിലാണ് ആളുകൾ മരിച്ചതെന്നും സ്ഫോടനമുണ്ടാകാനുള്ള കാരണത്തെക്കുറിച്ച് വ്യക്തമല്ലെന്നും അധികൃതർ അറിയിച്ചു.
രാജ്യത്തെ പ്രധാന ഉത്സവങ്ങളിലൊന്നായ ഡേ ഓഫ് ദ ഡെഡുമായി ബന്ധപ്പെട്ട ആഘോഷങ്ങൾക്കുള്ള ഒരുക്കത്തിനിടെയാണ് ദുരന്തം. തീപ്പിടിത്തമുണ്ടായത് ട്രാന്സ്ഫോര്മറില് നിന്നാകാമെന്നാണ് പ്രാഥമിക നിഗമനം. മരിച്ചവരില് പലരും പ്രായപൂര്ത്തിയാകാത്തവരായിരുന്നു ഭീകരവാദ ആക്രമണമാണെന്ന അഭ്യൂഹം അധികൃതർ തള്ളി. സംഭവത്തില് അന്വേഷണം ആരംഭിച്ചതായി സൊനോറ സംസ്ഥാന ഗവര്ണര് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam