റൗള് കാസ്ട്രോ കമ്മ്യൂണിസ്റ്റ് പാർട്ടി അധ്യക്ഷ സ്ഥാനമൊഴിഞ്ഞു
Synopsis
റൗള് കാസ്ട്രോ സ്ഥാനം ഒഴിയുന്നതോടെ അറുപത് വർഷം നീണ്ടു നിന്ന കാസ്ട്രോ യുഗത്തിന് കൂടിയാണ് ക്യൂബയിൽ അന്ത്യമാകുന്നത്. ഫിദൽ കാസ്ട്രോയുടെ ഇളയസഹോദരനാണ് റൗൾ കാസ്ട്രോ. 1959 മുതല് 2006വരെ ഫിദല് കാസ്ട്രോ ആയിരുന്നു ക്യൂബന് കമ്യൂണിസ്റ്റ് പാര്ട്ടി സെക്രട്ടറി ജനറല്.
ഹവാന: ക്യൂബൻ കമ്മ്യൂണിസ്റ്റ് പാർട്ടിയുടെ അധ്യക്ഷ സ്ഥാനം റൗൾ കാസ്ട്രോ ഒഴിഞ്ഞു. 2018ൽ ക്യൂബയുടെ പ്രസിഡന്റ് സ്ഥാനം ഒഴിയുമ്പോൾതന്നെ മൂന്ന് വർഷത്തിനകം പാർട്ടി അധ്യക്ഷ സ്ഥാനം ഒഴിയുമെന്ന് റൗൾ കാസ്ട്രോ പ്രഖ്യാപിച്ചിരുന്നു. നിലവിലെ ക്യൂബൻ പ്രസിഡന്റായ മിഗ്യൂൽ ഡിയസ്ക്വനൽ റൗളിന്റെ പിൻഗാമിയാകും.
ക്യൂബന് വിപ്ലവത്തോടെ ഫിദല് കാസ്ട്രോയാണ് രാജ്യത്തെ കാസ്ട്രോ യുഗത്തിന് തുടക്കമിട്ടത്. ഇപ്പോള് റൗള് കാസ്ട്രോ സ്ഥാനം ഒഴിയുന്നതോടെ അറുപത് വർഷം നീണ്ടു നിന്ന കാസ്ട്രോ യുഗത്തിന് കൂടിയാണ് ക്യൂബയിൽ അന്ത്യമാകുന്നത്.
ഫിദൽ കാസ്ട്രോയുടെ ഇളയസഹോദരനാണ് റൗൾ കാസ്ട്രോ. 1959 മുതല് 2006വരെ ഫിദല് കാസ്ട്രോ ആയിരുന്നു ക്യൂബന് കമ്യൂണിസ്റ്റ് പാര്ട്ടി സെക്രട്ടറി ജനറല്. ഫിദലിന്റെ പിന്ഗാമിയായാണ് റൗള് ഈ സ്ഥാനം ഏറ്റെടുത്തത്.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam