പശ്ചിമേഷ്യയിലെ സംഘർഷം: മാർച്ച് 2, 3, 4.... സ്‌കൂളുകളും കോളേജുകളും തുറക്കില്ലെന്ന് യുഎഇയും; ക്ലാസുകൾ ഓൺലൈൻ

പശ്ചിമേഷ്യയിലെ സംഘർഷങ്ങളുടെ പശ്ചാത്തലത്തിൽ യുഎഇ മാർച്ച് 2, 3, 4 തീയ്യതികളിൽ രാജ്യത്തെ മുഴുവൻ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു. പൗരന്മാരുടെ സുരക്ഷ മുൻനിർത്തി പഠനം ഈ ദിവസങ്ങളിൽ ഓൺലൈനായി നടത്താൻ നിർദേശം നൽകിയിട്ടുണ്ട്

അബു ദാബി: മാർച്ച് 2, 3, 4 തീയ്യതികളിൽ രാജ്യത്തെ മുഴുവൻ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ച് യുഎഇ. പശ്ചിമേഷ്യയിലാകെ തുടരുന്ന സംഘർഷങ്ങളുടെ പശ്ചാത്തലത്തിലാണ് തീരുമാനം. പൊതു-സ്വകാര്യ സ്‌കൂളുകളും കോളേജുകളും തുറക്കില്ല. പഠനം ഈ ദിവസങ്ങളിൽ ഓൺലൈനായി നടത്താനും യുഎഇ ഭരണകൂടം നിർദേശം നൽകി. ഇറാൻ്റെ ഭാഗത്ത് നിന്ന് ആക്രമണം നടക്കാനുള്ള സാഹചര്യം മുൻനിർത്തി, പൗരന്മാരുടെ സുരക്ഷ ഉറപ്പാക്കുകയെന്ന ലക്ഷ്യത്തോടെയാണ് ഇത് നടപ്പാക്കുന്നത്. വിദ്യാഭ്യാസ അധ്യാപക-അനധ്യാപക ജീവനക്കാർക്കും അവധി ബാധകമാണ്. ബഹ്‌റൈനിലെ എല്ലാ വിദ്യാഭ്യാസ സ്ഥാപനങ്ങളും നാളെ മുതൽ ഓൺലൈനിലേകക്ക് മാറുമെന്ന് ബഹ്‌റൈൻ അറിയിച്ചിരുന്നു. ഇന്ന് മുതൽ അനിശ്ചിതകാലത്തേക്ക് സ്‌കൂളുകളും കോളേജുകളും അടയ്ക്കാനും ഓൺലൈൻ സംവിധാനത്തിലൂടെ പഠനം തുടരാനുമാണ് ഖത്തർ നൽകിയിരിക്കുന്ന നിർദേശം.