
ടെഹ്റാൻ: അമേരിക്കയ്ക്ക് തിരിച്ചടി നല്കുമെന്ന് മുന്നറിയിപ്പുമായി ഇറാന്. അമേരിക്ക കുറ്റം ചെയ്തിട്ടുണ്ടെങ്കില് അതിന് തക്കതായ ശിക്ഷ നേരിടേണ്ടി വരുമെന്ന് ഇറാന് പ്രസിഡന്റ് ഹസ്സന് റൂഹാനി മുന്നറിയിപ്പ് നല്കി. ഇറാഖിലെ യു.എസിന്റെ സൈനിക താവളങ്ങള്ക്കുനേരെ ഇറാന് മിസൈലാക്രമണം നടത്തിയതിനു പിന്നാലെയായിരുന്നു റൂഹാനിയുടെ പ്രതികരണം.
'അമേരിക്ക കുറ്റം ചെയ്തിട്ടുണ്ടെങ്കില് അതിനു തക്ക മറുപടിയും നേരിടേണ്ടി വരുമെന്ന് അവരറിയേണ്ടതുണ്ട്. അവര് വിവേകമുള്ളവരാണെങ്കില് ഈ അവസരത്തില് അവരുടെ ഭാഗത്തുനിന്നു തുടര് നടപടികളുണ്ടാവില്ല.' റൂഹാനി പറഞ്ഞു.
'മേഖലയിലെ മറ്റ് രാജ്യങ്ങളില്നിന്നും അമേരിക്ക തിരിച്ചടി നേരിടുമെന്നാണ് ഞാന് കരുതുന്നത്. അവര് ഞങ്ങളുടെ പ്രിയപ്പെട്ട സുലൈമാനിയുടെ കരങ്ങള് ഛേദിച്ചു. അതിനു പ്രതികാരമായി പശ്ചിമേഷ്യയിലെ അമേരിക്കയുടെ കാല് തന്നെ ഞങ്ങള് ഛേദിക്കും.' റൂഹാനി പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam