മൊഹാലിയില് റസല് ഇന്ന് കലക്കിയാല് ചരിത്രനേട്ടം കീശയില്!
Synopsis
വെടിക്കെട്ട് ഇന്നിംഗ്സുകളുമായി ഈ ഐപിഎല്ലില് മിന്നും ഫോമില് ബാറ്റ് വീശുന്ന റസല് കരിയറിലെ ഒരു സുപ്രധാന നേട്ടത്തിനരികെയാണ്.
മൊഹാലി: ഐപിഎല്ലില് ഇന്ന് കൊല്ക്കത്ത നൈറ്റ് റൈഡേഴ്സും കിംഗ്സ് ഇലവന് പഞ്ചാബും ഏറ്റുമുട്ടുമ്പോള് ശ്രദ്ധാകേന്ദ്രമാകുക ആന്ദ്രേ റസല്. വെടിക്കെട്ട് ഇന്നിംഗ്സുകളുമായി ഈ ഐപിഎല്ലില് മിന്നും ഫോമില് ബാറ്റ് വീശുന്ന റസല് കരിയറിലെ ഒരു സുപ്രധാന നേട്ടത്തിനരികെയാണ്.
58 റണ്സ് കൂടി നേടിയാല് ടി20 കരിയറില് 5000 റണ്സ് പൂര്ത്തിയാക്കുന്ന താരമെന്ന നേട്ടം വിന്ഡീസ് ഓള്റൗണ്ടര് സ്വന്തമാക്കും. കരിയറിലെ 300-ാം ടി20 മത്സരത്തിനാണ് റസല് ഇറങ്ങുന്നത് എന്നതും ശ്രദ്ധേയം.
ഐപിഎല് 12-ാം സീസണില് മൂന്നാമത്തെ ഉയര്ന്ന റണ്വേട്ടക്കാരനാണ് റസല്. 12 മത്സരങ്ങളില് നിന്ന് 207.69 സ്ട്രൈക്ക് റേറ്റില് 486 റണ്സാണ് റസല് കീശയിലാക്കിയത്. 10 വിക്കറ്റുകളും സീസണില് നേടാനായി. ഈ സീസണില് 50 സിക്സുകള് പറത്തിയ ഏക താരം കൂടിയാണ് ആന്ദ്രേ റസല്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!