ഐപിഎല്ലില്‍ ആ നേട്ടം കൈവരിക്കുന്ന ആദ്യ നായകനായി ധോണി

166 കളിയിൽ ചെന്നൈയെ നയിച്ച ധോണി നൂറിലും ടീമിനെ ലക്ഷ്യത്തിലെത്തിച്ചു. 60.36 ആണ് ധോണിയുടെ വിജയശതമാനം.

ജയ്പൂര്‍: ഐ പി എല്ലിൽ ചെന്നൈ സൂപ്പർ കിംഗ്സ് ക്യാപ്റ്റൻ എം എസ് ധോണിക്ക് മറ്റൊരു റെക്കോർഡുകൂടി. ഐ പി എല്ലിൽ 100 ജയം നേടുന്ന ആദ്യ ക്യാപ്റ്റനെന്ന റെക്കോർഡാണ് രാജസ്ഥാൻ റോയൽസിനെതിരായ വിജയത്തിലൂടെ ധോണി സ്വന്തമാക്കിയത്.

166 കളിയിൽ ചെന്നൈയെ നയിച്ച ധോണി നൂറിലും ടീമിനെ ലക്ഷ്യത്തിലെത്തിച്ചു. 60.36 ആണ് ധോണിയുടെ വിജയശതമാനം. ചെന്നൈയെ മൂന്ന് തവണ ചാന്പ്യൻമാരാക്കാനും ധോണിക്ക് കഴിഞ്ഞു. മുൻനിര ബാറ്റ്സ്മാൻമാർ പതറിയപ്പോൾ 43 പന്തിൽ 58 റൺസെടുത്ത ധോണി തന്നെയാണ് മാൻ ഓഫ് ദമാച്ച്.

71 ജയം നേടിയിട്ടുള്ള കൊൽക്കത്തയുടെ മുൻ നായകൻ ഗൗതം ഗംഭീറാണ് രണ്ടാം സ്ഥാനത്ത്.129 മത്സരങ്ങളില്‍ നിന്നാണ് ഗംഭീര്‍ 71 ജയം നേടിയത്.