'സര്‍ ജഡേജ'യുടെ അസാധാരണ സിക്സ് കണ്ട ധോണിയുടെ പ്രതികരണം

ഈ സമയം ജഡേജക്കൊപ്പം ക്രീസിലുണ്ടായിരുന്ന ധോണി ജഡേജയുടെ അസാധാരണ സിക്സര്‍ ശരിക്കും ആസ്വദിച്ചു

ജയ്പൂര്‍:  സര്‍ ജഡേജയെന്ന വിളിപ്പേരിനെ അന്വര്‍ത്ഥമാക്കി രാജസ്ഥാന്‍ റോയല്‍സിനെതിരെ ജഡേജ നേടിയ ഒരു സിക്സ് കണ്ട് ധോണിക്ക് പോലും സന്തോഷം അടക്കാനായില്ല.അവസാന ഓവറിൽ ബെൻ സ്റ്റോക്സിനെതിരെ ആയിരുന്നു രവീന്ദ്ര ജഡേജയുടെ ആസാധാരണ സിക്സർ. ചെന്നൈ വിജയത്തിൽ ഈ സിക്സർ വളരെ നിർണായകമാവുകയും ചെയ്തു. ഓഫ് സ്റ്റംപിന് പുറത്തുവന്ന പന്തിനെ സ്ട്രെയിറ്റ് ബൗണ്ടറിക്ക് മുകളിലൂടെ സിക്സറിന് പറത്തിയ ജഡേജ നിലതെറ്റി വീണു.

ബൗള്‍ ചെയ്ത ബെന്‍ സ്റ്റോക്സും ബാലന്‍സ് തെറ്റി വീണതോടെ ഇരുവരും കിടന്നുകൊണ്ടാണ് ആ പന്ത് സിക്സറാവുന്നത് കണ്ടത്. ആരാധകരാകട്ടെ ഇങ്ങനെയും സിക്സടിക്കാമോ എന്ന അവിശ്വസനീയതയോടെയും.

ഈ സമയം ജഡേജക്കൊപ്പം ക്രീസിലുണ്ടായിരുന്ന ധോണി ജഡേജയുടെ അസാധാരണ സിക്സര്‍ ശരിക്കും ആസ്വദിച്ചു. സിക്സടിച്ചശേഷം നിലത്തുവീണ ജഡേജയുടെ തലയ്ക്ക് ബാറ്റുകൊണ്ട് അടിക്കുന്നതുപോലെ ആംഗ്യം കാണിച്ചാണ് ധോണി ആ സിക്സ് ആഘോഷമാക്കിയത്.