ടീമില്‍ മടങ്ങിയെത്തിയ നായകന്‍ രോഹിത് ശര്‍മ്മയും വിക്കറ്റ് കീപ്പര്‍ ബാറ്റ്സ്‌മാന്‍ ക്വിന്‍റണ്‍ ഡി കോക്കും മികച്ച തുടക്കമാണ് മുംബൈയ്ക്ക് നല്‍കിയത്.
മുംബൈ: ഐപിഎല്ലില്‍ രാജസ്ഥാന്‍ റോയല്‍സിനെതിരെ മുംബൈ ഇന്ത്യന്‍സിന് ഗംഭീര തുടക്കം. ആറ് ഓവര്‍ പൂര്‍ത്തിയാകുമ്പോള്‍ മുംബൈ വിക്കറ്റൊന്നും നഷ്ടപ്പെടാതെ 57 റണ്‍സെടുത്തിട്ടുണ്ട്. രോഹിത് ശര്‍മ്മയും(26) ക്വിന്‍റണ്‍ ഡികോക്കുമാണ്(31) ക്രീസില്‍.
ടോസ് നേടിയ രാജസ്ഥാന്‍ റോയല്‍സ് ബൗളിംഗ് തെരഞ്ഞെടുക്കുകയായിരുന്നു. കഴിഞ്ഞ മത്സരം കളിക്കാതിരുന്ന മുംബൈ നായകന്‍ രോഹിത് ശര്‍മ്മ തിരിച്ചെത്തി. രാജസ്ഥാന്‍ നിരയില്‍ ലയാമും ഗൗതവും ഇടംപിടിച്ചു. പരിക്കേറ്റ ഓള്‍റൗണ്ടര്‍ ബെന്‍ സ്റ്റോക്‌സ് കളിക്കുന്നില്ല.