രാജസ്ഥാനെതിരെ ചെന്നൈക്ക് ടോസ്, ടീമില്‍ മാറ്റങ്ങളുമായി ഇരു ടീമും

കഴിഞ്ഞ മത്സരം കളിച്ച ടീമില്‍ രണ്ട് മാറ്റങ്ങളുമായാണ് ചെന്നൈ ഇന്നിറങ്ങുന്നത്. ബ്രാവോക്ക് പകരം ജോഷ് ഹേസല്‍വുഡും കാണ്‍ ശര്‍മക്ക് പകരം പിയൂഷ് ചൗളയും ചെന്നൈയുടെ അന്തിമ ഇലവനിലെത്തി.കഴിഞ്ഞ മത്സരം കളിച്ച ടീമില്‍ രാജസ്ഥാനും ഒരു മാറ്റം വരുത്തി.

ദുബായ്: ഐപിഎല്ലില്‍ രാജസ്ഥാന്‍ റോയല്‍സിനെതിരെ ടോസ് നേടിയ ചെന്നൈ സൂപ്പര്‍ കിംഗ്സ് ബാറ്റിംഗ് തെരഞ്ഞെടുത്തു. കഴിഞ്ഞ മത്സരത്തില്‍ പരിക്കേറ്റ ഡ്വയിന്‍ ബ്രാവോക്ക് ഐപിഎല്ലിലെ ഏതാനും മത്സരങ്ങള്‍ കൂടി നഷ്ടമാകുമെന്ന് ടോസിനുശേഷം ചെന്നൈ നായകന്‍ എം എസ് ധോണി പറഞ്ഞു.

കഴിഞ്ഞ മത്സരം കളിച്ച ടീമില്‍ രണ്ട് മാറ്റങ്ങളുമായാണ് ചെന്നൈ ഇന്നിറങ്ങുന്നത്. ബ്രാവോക്ക് പകരം ജോഷ് ഹേസല്‍വുഡും കാണ്‍ ശര്‍മക്ക് പകരം പിയൂഷ് ചൗളയും ചെന്നൈയുടെ അന്തിമ ഇലവനിലെത്തി.കഴിഞ്ഞ മത്സരം കളിച്ച ടീമില്‍ രാജസ്ഥാനും ഒരു മാറ്റം വരുത്തി.

ജയദേവ് ഉനദ്ഘട്ടിന് പകരം അങ്കിത് രജ്പുത് രാജസ്ഥാന്‍ ടീമിലെത്തി. ഇതുവരെ മൂന്ന് കളികള്‍ വീതം ജയിച്ച രാജസ്ഥാനും ചെന്നൈക്കും പ്ലേ ഓഫ് സാധ്യത നിലനിര്‍ത്താന്‍ ജയം അനിവാര്യമാണ്. ഇന്ന് തോല്‍ക്കുന്നവരുടെ പ്ലേ ഓഫ് സാധ്യതകള്‍ ഏതാണ്ട് അവസാനിക്കും.

Rajasthan Royals (Playing XI): Robin Uthappa, Ben Stokes, Sanju Samson(w), Steven Smith(c), Jos Buttler, Riyan Parag, Rahul Tewatia, Jofra Archer, Shreyas Gopal, Ankit Rajpoot, Kartik Tyagi.

Chennai Super Kings (Playing XI): Faf du Plessis, Sam Curran, Shane Watson, Ambati Rayudu, MS Dhoni(w/c), Ravindra Jadeja, Kedar Jadhav, Deepak Chahar, Piyush Chawla, Shardul Thakur, Josh Hazlewood.