ഇന്ന് തോല്‍ക്കുന്ന ടീം പ്ലേ ഓഫ് കാണാതെ പുറത്താവും. ഇരുവരും 13 മത്സരങ്ങള്‍ പൂര്‍ത്തിയാക്കിയപ്പോള്‍ 12 പോയിന്റ് വീതമാണുള്ളത്.
ദുബായ്: ഐപിഎല്ലില്‍ ഇരു ടീമുകളുടെയും വിധിയെഴുതുന്ന നിര്‍ണായക പോരാട്ടത്തിന് രാജസ്ഥാന്‍ റോയല്‍സും കൊല്‍ക്കത്ത നൈറ്റ് റൈഡേഴ്‌സും അല്‍പസമയത്തിനകം ഇറങ്ങും. ടോസ് നേടിയ രാജസ്ഥാന്‍ നായകന്‍ സ്റ്റീവ് സ്‌മിത്ത് ബൗളിംഗ് തെരഞ്ഞെടുത്തു. രാജസ്ഥാന്‍ കഴിഞ്ഞ മത്സരത്തില്‍ നിന്ന് മാറ്റങ്ങളില്ലാതെ ഇറങ്ങുമ്പോള്‍ കൊല്‍ക്കത്ത പ്ലേയിംഗ് ഇലവനില്‍ ആന്ദ്രേ റസലും ശിവം മാവിയും തിരിച്ചെത്തി. ലോക്കി ഫെര്‍ഗ്യൂസനും റിങ്കു സിംഗുമാണ് പുറത്തായത്.
രാജസ്ഥാന്‍ റോയല്‍സ്: Robin Uthappa, Ben Stokes, Sanju Samson(w), Steven Smith(c), Jos Buttler, Riyan Parag, Rahul Tewatia, Jofra Archer, Shreyas Gopal, Varun Aaron, Kartik Tyagi
കൊല്‍ക്കത്ത നൈറ്റ് റൈഡേഴ്‌സ്: Shubman Gill, Nitish Rana, Sunil Narine, Eoin Morgan(c), Dinesh Karthik(w), Andre Russell, Rahul Tripathi, Pat Cummins, Kamlesh Nagarkoti, Shivam Mavi, Varun Chakravarthy
ഇന്ന് തോല്‍ക്കുന്ന ടീം പ്ലേ ഓഫ് കാണാതെ പുറത്താവും. ഇരുവരും 13 മത്സരങ്ങള്‍ പൂര്‍ത്തിയാക്കിയപ്പോള്‍ 12 പോയിന്റ് വീതമാണുള്ളത്. എന്നാല്‍ റണ്‍റേറ്റിന്റെ അടിസ്ഥാനത്തില്‍ രാജസ്ഥാനാണ് മുന്നില്‍. തുടര്‍ച്ചയായ രണ്ട് തോല്‍വികള്‍ക്കുശേഷമാണ് കൊല്‍ക്കത്ത രാജസ്ഥാനെ നേരിടാനൊരുങ്ങുന്നത്. മുംബൈ ഇന്ത്യന്‍സ്, കിംഗ്‌സ് ഇലവന്‍ പഞ്ചാബ് എന്നിവരെ തകര്‍ത്ത ആത്മവിശ്വാസത്തിലണ് രാജസ്ഥാന്‍ റോയല്‍സ്.
ഫീല്‍ഡിംഗിലും 'സ്‌പാര്‍ക്ക്' തെളിയിച്ച് ഗെയ്‌ക്‌വാദ്; കാണാം പറക്കും ക്യാച്ച്