കൊല്ക്കത്ത നൈറ്റ് റൈഡേഴ്സിനെതിരെ റോയല് ചലഞ്ചേഴ്സ് ബാംഗ്ലൂരിന് ടോസ്; കോലിപ്പടയിലെ മാറ്റം സര്പ്രൈസ്
Synopsis
ടോസ് നേടിയ ബാംഗ്ലൂര് ക്യാപ്്റ്റന് വിരാട് കോലി ബാറ്റിങ് തിരഞ്ഞെടുക്കുകയായിരുന്നു. ചെന്നൈ ചെപ്പോക്ക് സ്റ്റേഡിയത്തിലാണ് മത്സരം. മൂന്ന് ഓവര്സീസ് താരങ്ങള് മാത്രമാണ് ബാംഗ്ലൂരിനുള്ളതെന്നുള്ളതാണ് സര്പ്രൈസ്.
ചെന്നൈ: ഐപിഎല്ലില് കൊല്ക്കത്ത നൈറ്റ് റൈഡേഴ്സിനെതിരായ മത്സരത്തില് റോയല് ചലഞ്ചേഴ്സ് ബാംഗ്ലൂര് ആദ്യം ബാറ്റ് ചെയ്യും. ടോസ് നേടിയ ബാംഗ്ലൂര് ക്യാപ്്റ്റന് വിരാട് കോലി ബാറ്റിങ് തിരഞ്ഞെടുക്കുകയായിരുന്നു. ചെന്നൈ ചെപ്പോക്ക് സ്റ്റേഡിയത്തിലാണ് മത്സരം. മൂന്ന് ഓവര്സീസ് താരങ്ങള് മാത്രമാണ് ബാംഗ്ലൂരിനുള്ളതെന്നുള്ളതാണ് സര്പ്രൈസ്. ഗ്ലെന് മാക്സ്വെല്, എബി ഡിവില്ലിയേവ്സ്, കെയല് ജാമിസണ് എന്നിവരാണ് ഓവര്സീസ് താരങ്ങള്. ഡാനിയേല് ക്രിസ്റ്റിയന് പകരം രജത് പട്യേദാര് ടീമിലെത്തി. കൊല്ക്കത്ത മുംബൈ ഇന്ത്യന്സിനെതിരെ കളിച്ച ടീമിനെ നിലനിര്ത്തി.
കളിച്ച രണ്ട് മത്സരങ്ങളും ജയിച്ച ആത്മവിശ്വാസത്തിലാണ് ബാംഗ്ലൂര്. ആദ്യ മത്സരത്തില് മുംബൈ ഇന്ത്യന്സിനേയും അടുത്ത മത്സരത്തില് സണ്റൈസേഴ്സ് ഹൈദരബാദിനേയുമാണ് ബാംഗ്ലൂര് തോല്പ്പിച്ചത്. കൊല്ക്കത്തയ്ക്ക് ഒരു ജയവും തോല്വിയുമാണുള്ളത്. ആദ്യ മത്സരത്തില് ഹൈദരാബാദിനെ തോല്പ്പിച്ച കൊല്ക്കത്ത രണ്ടാം മത്സരത്തില് മുബൈ ഇന്ത്യന്സിനോട് പരാജയപ്പെട്ടു.
റോയല് ചലഞ്ചേഴ്സ് ബാംഗ്ലൂര്: വിരാട് കോലി, ദേവ്ദത്ത് പടിക്കല്, രജത് പട്യേദാര്, ഗ്ലെന് മാക്സ്വെല്, എബി ഡിവില്ലിയേഴ്സ്, വാഷിംഗ്ടണ് സുന്ദര്, ഷഹബാസ് അഹമ്മദ്, കെയ്ല് ജാമിസണ്, ഹര്ഷല് പട്ടേല്, മുഹമ്മദ് സിറാജ്, യൂസ്വേന്ദ്ര ചാഹല്.
കൊല്ക്കത്ത നൈറ്റ് റൈഡേഴ്സ്: നിതീഷ് റാണ, ശുഭ്മാന് ഗില്, രാഹുല് ത്രിപാഠി, ആന്ദ്രേ റസ്സല്, ഓയിന് മോര്ഗന്, ദിനേശ് കാര്ത്തിക്, ഷാക്കിബ് അല് ഹസന്, പാറ്റ് കമ്മിന്സ്, ഹര്ഭജന് സിംഗ്, പ്രസിദ്ധ് കൃഷ്ണ, വരുണ് ചക്രവര്ത്തി.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!