റോയല് ചലഞ്ചേഴ്സ് ബാംഗ്ലൂരിനെതിരെ സണ്റൈസേഴ്സ് ഹൈദരാബാദിന് ടോസ്; ഇരു ടീമിലും മാറ്റങ്ങള്
Synopsis
ടോസ് നേടിയ ഹൈദരാബാദ് ക്യാപ്റ്റന് ഡേവിഡ് വാര്ണര് ബാംഗ്ലൂരിനെ ബാറ്റിങ്ങിനയക്കുകയായിരുന്നു. ആദ്യ മത്സരത്തില് മുംബൈ ഇന്ത്യന്സിനെ തോല്പ്പിച്ചതിന്റെ ആത്മവിശ്വാസത്തിലാണ് കോലിപ്പട.
ചെന്നൈ: ഐപിഎല്ലില് റോയല് ചലഞ്ചേഴ്സ് ബാംഗ്ലൂരിനെതിരായ മത്സരത്തില് സണ്റൈസേഴ്സ് ഹൈദരാബാദ് ആദ്യം പന്തെറിയും. ടോസ് നേടിയ ഹൈദരാബാദ് ക്യാപ്റ്റന് ഡേവിഡ് വാര്ണര് ബാംഗ്ലൂരിനെ ബാറ്റിങ്ങിനയക്കുകയായിരുന്നു. ആദ്യ മത്സരത്തില് മുംബൈ ഇന്ത്യന്സിനെ തോല്പ്പിച്ചതിന്റെ ആത്മവിശ്വാസത്തിലാണ് കോലിപ്പട. ഹൈദരാബാദ് ആദ്യ മത്സരത്തില് കൊല്ക്കത്ത നൈറ്റ് റൈഡേഴ്സിനോട് പരാജയപ്പെട്ടിരുന്നു.
മുംബൈക്കെതിരെ കളിച്ച മത്സരത്തില് നിന്ന് ഒരു മാറ്റവുമായിട്ടാണ് ബാംഗ്ലൂര് ഇറങ്ങുന്നത്. കൊവിഡ് മുക്തനായ മലയാളി താരം ദേവ്ദത്ത് പടിക്കല് ടീമില് തിരിച്ചെത്തി. രജിത് പട്യാദര് വഴിമാറി. പടിക്കലിനൊപ്പം കോലി ഇന്നിങ്സ് ഓപ്പണ് ചെയ്യും. ഹൈദരാബാദ് രണ്ട് മാറ്റങ്ങള് വരുത്തിയിട്ടുണ്ട്. മുഹമ്മദ് നബി, സന്ദീപ് ശര്മ എന്നിവര് പുറത്തായി. ജേസണ് ഹോള്ഡര്, ഷഹബാസ് നദീം എന്നിവരാണ് പകരക്കാര്.
റോയല് ചലഞ്ചേഴ്സ് ബാംഗ്ലൂര്: വിരാട് കോലി, ദേവ്ദത്ത് പടിക്കല്, ഷഹ്ബാസ് അഹമ്മദ്, ഗ്ലെന് മാക്സ്വെല്, എബി ഡിവില്ലിയേഴ്സ് (വിക്കറ്റ് കീപ്പര്), വാഷിംഗ്ടണ് സുന്ദര്, ഡാനിയേല് ക്രിസ്റ്റ്യന്, കെയ്ല് ജാമിസണ്, ഹര്ഷല് പട്ടേല്, മുഹമ്മദ് സിറാജ്, യൂസ്വേന്ദ്ര ചാഹല്.
സണ്റൈസേഴ്സ് ഹൈദരാബാദ്: വൃദ്ധിമാന് സാഹ, ഡേവിഡ് വാര്ണര്, മനീഷ് പാണ്ഡെ, ജോണി ബെയര്സ്റ്റോ, വിജയ് ശങ്കര്, ജേസണ് ഹോള്ഡര്, അബ്ദുള് സമദ്, റാഷിദ് ഖാന്, ഭുവനേശ്വര് കുമാര്, ടി നടരാജന്, ഷഹ്ബാസ് നദീം.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!