ഇഷാന് പകരം വിഷ്ണു വിനോദ്? രോഹിത് ശര്മയും സഞ്ജു സാംസണും ഇന്ന് നേര്ക്കുനേര്- സാധ്യതാ ഇലവന്
Synopsis
വാംഖഡെ പരമ്പരാഗതമായി റണ്ണൊഴുകുന്ന പിച്ചാണ്. പുതിയ പന്തില് പേസര്മാര്ക്കും സഹായം ലഭിക്കും. മുംബൈ നിരയില് ജോഫ്ര ആര്ച്ചര് തിരിച്ചെത്തിയേക്കും. അങ്ങനെയെങ്കില് റിലെ മെരെഡിത്തിനെ പുറത്തിരുത്താന് സാധ്യതയേറെയാണ്.
മുംബൈ: ഇന്ത്യന് പ്രീമിയര് ലീഗില് രാജസ്ഥാന് റോയല്സ് ഇന്നിറങ്ങുന്നു. മുംബൈ ഇന്ത്യന്സിനെയാണ് സഞ്ജു സാംസണും സംഘവും ഇന്ന് നേരിടുക. വൈകിട്ട് 7.30ന് മുംബൈ, വാംഖഡെ സ്റ്റേഡിയത്തിലാണ് മത്സരം. സീസണില് ഇരുവരും ആദ്യമായിട്ടാണ് നേര്ക്കുനേര് വരുന്നത്. പോയിന്റ് പട്ടികയില് രണ്ടാം സ്ഥാനത്താണ് രാജസ്ഥാന്. എട്ട് മത്സരങ്ങളില് 10 പോയിന്റാണ് രാജസ്ഥാന്. മുംബൈ, ഒമ്പതാം സ്ഥാനത്താണ്. ഏഴ് മത്സരങ്ങളില് ആറ് പോയിന്റാണ് മുംബൈക്കുള്ളത്. ഇന്ന് 3.30ന് മറ്റൊരു മത്സരത്തില് ചെന്നൈ സൂപ്പര് കിംഗ്സ്, പഞ്ചാബ് കിംഗ്സിനെ നേരിടും. ചെന്നൈയിലാണ് മത്സരം.
വാംഖഡെ പരമ്പരാഗതമായി റണ്ണൊഴുകുന്ന പിച്ചാണ്. പുതിയ പന്തില് പേസര്മാര്ക്കും സഹായം ലഭിക്കും. മുംബൈ നിരയില് ജോഫ്ര ആര്ച്ചര് തിരിച്ചെത്തിയേക്കും. അങ്ങനെയെങ്കില് റിലെ മെരെഡിത്തിനെ പുറത്തിരുത്താന് സാധ്യതയേറെയാണ്. അര്ജുന് ടെന്ഡുല്ക്കര്, നെഹല് വധേര എന്നിവരും സ്ഥാനം നിലനിര്ത്തും. മുംബൈക്ക് രോഹിത് ശര്മ, ഇഷാന് കിഷന് എന്നിവരുടെ ഫോമാണ് പ്രധാന തലവേദന. ആര് അശ്വിന് മൂന്ന് തവണ രോഹിത്തിനെ പുറത്താക്കിയിട്ടുണ്ട്. ഇഷാന് പകരം മലയാളി താരം വിഷ്ണു വിനോദ് ടീമിലെത്തുമോയെന്ന് കണ്ടറിയണം. രാജസ്ഥാന് നിരയില് ട്രന്റ് ബോള്ട്ട് തിരിച്ചെത്തും. ആഡം സാംപയെ പുറത്തിരുത്തിയേക്കും. മറ്റു മാറ്റങ്ങള്ക്ക് സാധ്യതയില്ല. ഇരു ടീമുകളുടേയും സാധ്യതാ ഇലവന് അറിയാം.
മുംബൈ ഇന്ത്യന്സ്: രോഹിത് ശര്മ, ഇഷാന് കിഷന്, സൂര്യകുമാര് യാദവ്, കാമറൂണ് ഗ്രീന്, ടിം ഡേവിഡ്, തിലക് വര്മ, നെഹല് വധേര, അര്ജുന് ടെന്ഡുല്ക്കര്, പിയൂഷ് ചൗള, ജേസണ് ബെഹ്രന്ഡോഫ്, ജോഫ്ര ആര്ച്ചര്.
രാജസ്ഥാന് റോയല്സ്: യഷസ്വി ജയ്സ്വാള്, ദേവ്ദത്ത് പടിക്കല്, സഞ്ജു സംസണ്, ഷിംറോണ് ഹെറ്റ്മെയര്, ജേസണ് ഹോള്ഡര്, ധ്രുവ് ജുറല്, ആര് അശ്വിന്, യൂസ്വേന്ദ്ര ചാഹല്, സന്ദീപ് ശര്മ, ട്രന്റ് ബോള്ട്ട്.
ഡാരില് മിച്ചലിന് മറുപടിയായി ഫഖറിന്റെ വെടിക്കെട്ട്! കിവീസിനെതിരെ രണ്ടാം ഏകദിനവും പാക്കിസ്ഥാന്
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!