LIC: എൽഐസിയുടെ പ്രാഥമിക ഓഹരി വിൽപന ഇന്ന് ; ലക്ഷ്യം 21,000 കോടി സമാഹരിക്കൽ

902 രൂപ മുതൽ 949 രൂപ വരെയാണ് ഒരു ഓഹരിക്ക് പ്രൈസ് ബാൻഡായി നിശ്ചിയിച്ചിരിക്കുന്നത്. 15 ഓഹരിയുടെ ഗുണിതങ്ങളായിട്ടാണ് ഓഹരി വാങ്ങേണ്ടത്. എൽഐസി പോളിസി ഉടമകൾക്ക് 60 രൂപയും റീട്ടെയിൽ നിക്ഷേപകർക്കും എൽഐസി ജീവനക്കാർക്കും 45 രൂപയുടെ ഇളവും ലഭിക്കും

ദില്ലി: പൊതുമേഖലാ സ്ഥാപനമായ എൽ ഐ സിയുടെ (lic)പ്രാഥമിക ഓഹരി വിൽപന(stock sale) ഇന്ന് നടക്കും. 21,000 കോടിയെന്ന റെക്കോർഡ് തുക സമാഹരിക്കാൻ ലക്ഷ്യമിട്ടാണ് ഓഹരി വിൽപന.

902 രൂപ മുതൽ 949 രൂപ വരെയാണ് ഒരു ഓഹരിക്ക് പ്രൈസ് ബാൻഡായി നിശ്ചിയിച്ചിരിക്കുന്നത്. 15 ഓഹരിയുടെ ഗുണിതങ്ങളായിട്ടാണ് ഓഹരി വാങ്ങേണ്ടത്. എൽഐസി പോളിസി ഉടമകൾക്ക് 60 രൂപയും റീട്ടെയിൽ നിക്ഷേപകർക്കും എൽഐസി ജീവനക്കാർക്കും 45 രൂപയുടെ ഇളവും ലഭിക്കും. മേയ് 9നാണ് ഐപിഒ ക്ലോസ് ചെയ്യുക.ഇക്കഴിഞ്ഞ മാർച്ച് മാസം ഐപിഒ നടത്താനാണ് തീരുമാനിച്ചതെങ്കിലും റഷ്യ-യുക്രെയ്ൻ യുദ്ധത്തിന്റെ പശ്ചാത്തലത്തിൽ മാറ്റിവയ്ക്കുകയായിരുന്നു

എൽഐസി ഐപിഒ നാളെ; ഈ 10 കാര്യങ്ങൾ ശ്രദ്ധിക്കൂ 

എൽഐസി ഐപിഒ അറിഞ്ഞിരിക്കേണ്ട 10 കാര്യങ്ങൾ

1. ഐപിഒ തിയതി : എൽഐസി ഐപിഒ സബ്‌സ്‌ക്രിപ്‌ഷനായി മെയ് നാല് മുതൽ അവസരമുണ്ടാകും. സബ്‌സ്‌ക്രൈബുചെയ്യാനുള്ള അവസാന ദിവസം മെയ് 9 ആണ്
2. പ്രൈസ് ബാൻഡ് : എൽഐസിയുടെ ഓരോ ഇക്വിറ്റി ഓഹരിക്കും 902-949 രൂപയാണ് പ്രൈസ് ബാൻഡ് നിശ്ചയിച്ചിരിക്കുന്നത്.  എന്നാൽ പോളിസി ഉടമകൾക്ക് 60 രൂപ കിഴിവ് എൽഐസി  വാഗ്ദാനം ചെയ്തിട്ടുണ്ട്. കൂടാതെ റീട്ടെയിൽ നിക്ഷേപകർക്കും ജീവനക്കാർക്കും 45 രൂപ കിഴിവും വാഗ്ദാനം ചെയ്തിട്ടുണ്ട്. 
3. ഇൻഷുറൻസ് ഭീമനായ എൽഐസിയുടെ  3.5 ശതമാനം ഓഹരികളാണ് വിൽപ്പനയ്ക്കുള്ളത്. ഇതിലൂടെ  21,000 കോടി രൂപ സമാഹരിക്കാനാണ് സർക്കാർ ലക്ഷ്യമിടുന്നത്. 221,374,920 ഇക്വിറ്റി ഷെയറുകളുടെ വിൽപ്പനയാണ് നടക്കുക.  ഓഹരികളിൽ 1,581,249 4. യൂണിറ്റുകൾ വരെ ജീവനക്കാർക്കും 22,137,492 വരെ പോളിസി ഉടമകൾക്കുമായി സംവരണം ചെയ്തിട്ടുണ്ട്. 
5. സ്റ്റോക്ക് എക്‌സ്‌ചേഞ്ചിൽ ഇക്വിറ്റി ഷെയറുകൾ ലിസ്‌റ്റ് ചെയ്യുന്നതിന്റെ നേട്ടങ്ങൾ കൈവരിക്കുക എന്നതുകൂടിയാണ് ഐപിഒ ലക്ഷ്യമിടുന്നത്.
6. പോളിസി ഉടമകൾ, ജീവനക്കാർ, സാധാരണ നിക്ഷേപകർഎന്നിവർക്ക് 210 ഓഹരികൾക്ക്  വരെ അപേക്ഷിക്കാം. 
7. റീട്ടെയിൽ നിക്ഷേപകർ, എൽഐസി ജീവനക്കാർ, എൽഐസി പോളിസി ഉടമകൾ എന്നിവർക്കുള്ള പരമാവധി ബിഡ് തുക 2 ലക്ഷം രൂപയായി പരിമിതപ്പെടുത്തിയിട്ടുണ്ട്. 
8. എൽഐസി ഐപിഒയുടെ ഒരു ലോട്ടിൽ ആകെ 15 ഓഹരികളാണ് ലഭിക്കുന്നത്. ഒരാൾക്ക് പരമാവധി 14 ലോട്ടുകള്‍ തിരഞ്ഞെടുക്കാൻ സാധിക്കും. ഏറ്റവും കുറഞ്ഞത് ഒരു ലോട്ടും. 
9. 949 രൂപയ്ക്ക് 15 ഓഹരി വാങ്ങിയാൽ സാധാരണ നിക്ഷേപകർ നൽകേണ്ടത് 13560 രൂപ. ഈ നിരക്കിൽ 15 ഓഹരി പോളിസി ഉടമകൾ വാങ്ങിയാൽ നൽകേണ്ടത് 13335 രൂപ. 902 രൂപയ്ക്ക് സാധാരണ നിക്ഷേപകർ പരമാവധി ഓഹരി വാങ്ങിയാൽ നൽകേണ്ടത് 1.89 ലക്ഷം. 902 രൂപയ്ക്ക് പോളിസി ഉടമകൾ പരമാവധി ഓഹരി വാങ്ങിയാൽ നൽകേണ്ടത് 1.86 ലക്ഷം
10. ബാങ്ക് ആപ്പുകൾ, ബ്രോക്കറേജ് ആപ്പുകൾ എന്നിവയുടെ സഹായത്തോടെ ഓഹരി വാങ്ങാം
നിക്ഷേപം നടത്തുന്നവർക്ക് ഡിമാറ്റ് അക്കൗണ്ട് നിർബന്ധം
ബിഎസ്ഇയിലും എൻഎസ്ഇയിലും മെയ് 17ന് എൽഐസി ഓഹരി  ലിസ്റ്റ് ചെയ്യും