Share Market Live : രണ്ടാം ദിനവും നേട്ടത്തിൽ തുടർന്ന് വിപണി; സെന്സെക്സ് 252 പോയന്റ് ഉയര്ന്നു.
Synopsis
ആദ്യ ദിനത്തിലെ നേട്ടത്തിന്റെ ചുവടുപിടിച്ച് രണ്ടാം ദിനവും നേട്ടത്തോടെ ആരംഭിച്ച് ഓഹരി വിപണി.
മുംബൈ: ആദ്യ ദിനത്തിലെ നേട്ടത്തിന്റെ ചുവടുപിടിച്ച് രണ്ടാം ദിനവും നേട്ടത്തോടെ ആരംഭിച്ച് ഓഹരി വിപണി. സെന്സെക്സ് 252 പോയന്റ് ഉയര്ന്ന് 53,487ലും നിഫ്റ്റി 77 പോയന്റ് ഉയർന്ന് 15,912ലുമാണ് വ്യാപാരം ആരംഭിച്ചത്.
നേട്ടത്തിലുള ഓഹരികൾ ഒഎന്ജിസി, ടെക് മഹീന്ദ്ര, ടാറ്റ മോട്ടോഴ്സ്, യുപിഎല്, ഐഷര് മോട്ടോഴ്സ് എന്നിവയുടേതാണ്. അതേസമയം ബ്രിട്ടാനിയ, ഐടിസി, നെസ്ലെ, ഏഷ്യന് പെയിന്റ്സ്, ഡിവീസ് ലാബ് തുടങ്ങിയ ഓഹരികള് നഷ്ടത്തിലാണ്.
സ്വർണത്തിന്റെ ഇന്നത്തെ വിപണി വില അറിയാം
തിരുവനന്തപുരം: സംസ്ഥാനത്ത് ഇന്ന് സ്വർണ വില ഉയർന്നു. തുടർച്ചയായ രണ്ടാം ദിനമാണ് സ്വർണവില ഉയരുന്നത്. ഒരു പവൻ സ്വർണത്തിനു 80 രൂപയാണ് വർധിച്ചത്. ഇന്നലെ ഒരു പവൻ സ്വർണത്തിനു 200 രൂപ ഉയർന്നിരുന്നു. ഒരു പവൻ സ്വർണത്തിന്റെ വില (Todays Gold Rate) ഇന്ന് 38,480 രൂപയാണ്.
ഒരു ഗ്രാം 22 കാരറ്റ് സ്വർണത്തിന്റെ വില 10 രൂപ ഉയർന്നു. ഇന്നലെ 25 രൂപയുടെ വർധനവുണ്ടായിരുന്നു. ഒരു ഗ്രാം 22 കാരറ്റ് സ്വർണത്തിന്റെ വിപണി വില 4810 രൂപയാണ്. ശനിയാഴ്ച രാവിലെ ഒരു ഗ്രാം 22 കാരറ്റ് സ്വർണത്തിന്റെ വിലയിൽ 40 രൂപയുടെ വർധനവാണ് ഉണ്ടായത്. എന്നാൽ ഉച്ചയ്ക്ക് 25 രൂപ കുറഞ്ഞിരുന്നു. 18 കാരറ്റ് സ്വർണത്തിന്റെ വിലയും ഉയർന്നു. 10 രൂപയാണ് ഉയർന്നത്. ഇന്നലെ 20 രൂപ ഉയർന്നിരുന്നു. 18 ഗ്രാം സ്വർണത്തിന്റെ ഇന്നത്തെ വിപണി വില 3,975 രൂപയാണ്.