ഒഡീഷയില് ബസ് മറിഞ്ഞ് 20 മരണം
Synopsis
ഭുവനേശ്വര്: ഒഡീഷയില് സ്വകാര്യ ബസ് പാലത്തില്നിന്ന് 50 അടി താഴ്ചയിലേക്കു വീണുണ്ടായ അപകടത്തില് 20 പേര് മരിച്ചു. 25 പേര്ക്കു പരിക്കേറ്റു. ഇതില് അഞ്ചു പേരുടെ നില ഗുരുതരമാണ്. അംഗുള് ജില്ലയിലെ മനിത്രിയില് വെള്ളിയാഴ്ച പുലര്ച്ചെയായിരുന്നു അപകടം.
ബൗദ് ജില്ലാ ആസ്ഥാനത്തുനിന്ന് അതാമാലിക്കിലേക്ക് യാത്ര തിരിച്ച സ്വകാര്യബസ് മനിത്രി പാലത്തില്നിന്നു താഴേക്ക് പതിക്കുകയായിരുന്നു. പാലത്തിന്റെ കാലപ്പഴക്കവും അമിതമായി യാത്രക്കാരെ കയറ്റിയതുമാണ് അപകടകാരണമെന്ന് അധികൃതര് അറിയിച്ചു.
14 പേര് സംഭവസ്ഥലത്തുതന്നെ മരിച്ചു. മരിച്ചവരില് കൂടുതലും സ്ത്രീകളാണ്. അപകടത്തില് പരിക്കേറ്റവരെ അംഗൂളിലെ വിവിധ ആശുപത്രികളില് പ്രവേശിപ്പിച്ചു. മരണസംഖ്യ ഇനിയും ഉയരാന് സാധ്യതയുണ്ട്. അപകടത്തില് മരിച്ചവരുടെ ബന്ധുക്കള്ക്ക് സര്ക്കാര് നഷ്ടപരിഹാരം പ്രഖ്യാപിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam