പെരിന്തല്മണ്ണയില് വന് കുഴല്പ്പണ വേട്ട; രണ്ട് പേര് പിടിയില്
Synopsis
മലപ്പുറം: തമിഴ്നാട്ടില് നിന്നും കൊണ്ടുവന്ന 70 ലക്ഷം രുപയുടെ കുഴല്പ്പണം പെരിന്തല്മണ്ണയില് വെച്ച് പൊലീസ് പിടിച്ചെടുത്തു. മലപ്പുറം മേലാറ്റൂര് പട്ടിക്കാട് സ്വദേശികളായ അബ്ദു റഹ്മാനും അബ്ദുള് ഗഫൂറുമാണ് പിടിയിലായത്. തമിഴ്നാട്ടില് നിന്ന് കേരളത്തിലേക്ക് വിതരണത്തിന് കൊണ്ടുവന്നതായിരുന്നു പണമെന്ന് പൊലീസ് പറഞ്ഞു.
തമിഴ്നാട്ടില് നിന്ന് ട്രെയിനില് കൊണ്ടുവന്ന പണം ബസ് മാര്ഗം പെരിന്തല്മണ്ണയില് എത്തിക്കുകയായിരുന്നു. ഇന്നു പിടിയിലായവര് നേരത്തെയും കുഴല്പ്പണം എത്തിച്ചിരുന്നുവെന്ന് പൊലീസ് അറിയിച്ചു. കഴിഞ്ഞ നാലു മാസത്തിനിടെ പെരിന്തല്മണ്ണയില് നിന്ന് മാത്രം ആറ് കോടിയിലധികം രൂപയുടെ കുഴല്പ്പണമാണ് പിടിച്ചെടുത്തത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam