വിസകളും വിസ പുതുക്കലും ഓണ്‍ലൈന്‍വഴി നടത്താം

ദുബായ്; അബുദാബിയിലെ വിദേശികള്‍ക്ക്​ പുതിയ വിസകളും വിസ പുതുക്കലും ഓണ്‍ലൈന്‍വഴി നടത്താം. അപേക്ഷ​ പ്രക്രിയ എളുപ്പമാക്കുന്നതിനും ജനങ്ങളുടെ സൗകര്യം വർധിപ്പിക്കുന്നതിനും ലക്ഷ്യമിട്ടാണ്​  നടപടിയെന്ന്​ താമസ കുടിയേറ്റ വകുപ്പ് അറിയിച്ചു. അബുദാബിയിലെ വിദേശികള്‍ക്ക് വിസാനടപടികള്‍ ഇനി കൈയ്യെത്തും ദൂരത്ത്. 

പുതിയ വിസകളും വിസ പുതുക്കലും ഓണ്‍ലൈന്‍വഴി നടത്താം. അപേക്ഷ നൽകാന്‍ എമിഗ്രേഷൻ വകുപ്പ്​ ഒഫീസിനെയോ ടൈപ്പിങ്​ സെന്‍ററുകളെയോഇനി സമീപിക്കേണ്ടതില്ല. https://echannels.moi.gov.ae എന്ന സൈറ്റിലൂടെയാണ്​ അപേക്ഷിക്കേണ്ടത്​.  അപേക്ഷ​ പ്രക്രിയ എളുപ്പമാക്കുന്നതിനും ജനങ്ങളുടെ സൗകര്യം വർധിപ്പിക്കുന്നതിനും ലക്ഷ്യമിട്ടാണ്​ നടപടിയെന്ന്​ താമസ കുടിയേറ്റ വകുപ്പ്​ ഡയറക്​ടർ ജനറൽ ​​ബ്രിഗേഡിയർ മൻസൂർ അൽ ദഹേരി വ്യക്​തമാക്കി.  

ആവശ്യമായ രേഖകൾ സ്​കാൻ ചെയ്​ത്​ അപേക്ഷക്കൊപ്പം  ഓൺലൈനിൽ സമർപ്പിക്കണം. എല്ലാ നടപടികളും പൂർത്തിയായ ശേഷം നിർദേശിക്കുന്ന സമയത്ത്​ പാസ്​പോർട്ടിൽ വിസ  സ്​റ്റാമ്പ്​ ചെയ്യിക്കാൻ ​മാത്രം നേരിട്ട് ​ പോയാൽ മതിയാവും. ടൈപ്പിങ്​ സെന്‍ററുകള്‍ കേന്ദ്ര ഒഫീസിലും നേരിട്ടും അപേക്ഷ നൽകാമെങ്കിലും ക്രമേണ ഇതു പൂർണമായും ഓൺലൈൻ വഴിയാകുമെന്നും അധികൃതര്‍ അറിയിച്ചു. അബുദാബിയിലെ അംഗീകൃത ടൈപ്പിങ്​ സെൻററുകളുടെ പട്ടിക www.adnrd.gov.aeഎന്ന സൈറ്റിൽ ലഭ്യമാണ്​. വ്യാജ ടൈപ്പിംഗ് സെന്‍ററുകളിലൂടെ വഞ്ചിതരാകരുതെന്നും വിദേശികള്‍ക്ക് താമസകുടിയേറ്റവകുപ്പ് മുന്നറിയിപ്പ് നല്‍കിയിട്ടുണ്ട്.