വിധവയെ തട്ടിക്കൊണ്ടുപോയി പീഡിപ്പിച്ചയാള് പിടിയില്
Synopsis
വിധവയെ തട്ടിക്കൊണ്ടുപോയി തടവില് വച്ച് പീഡിപ്പിച്ച അയല്വാസി തൊടുപുഴയില് അറസ്റ്റിലായി. ചെപ്പുകുളം സ്വദേശി സാനു ജോസഫാണ് കാഞ്ഞാര് പൊലീസിന്റെ പിടിയിലായത്. സാനുവിനൊപ്പം ഉണ്ടായിരുന്ന സുഹൃത്തിനായി പൊലീസ് തെരച്ചില് തുടരുകയാണ്.
വിധവയും 38 വയസുകാരിയുമായ സ്ത്രീയെ തട്ടിക്കൊണ്ടുപോയി പീഡിപ്പിച്ച കേസിലാണ് സാനു ജോസഫിനെ അറസ്റ്റു ചെയ്തത്. തൊടുപുഴ ചെപ്പുകുളം സ്വദേശിയായ സാനു അയല്വാസിയായ സ്ത്രീയെയാണ് പീഡിപ്പിച്ചത്. കഴിഞ്ഞ ബുധനാഴ്ചയായിരുന്നു സംഭവം. വൈകിട്ട് ആറ് മണിയോടെ ചെപ്പുകുളത്ത് ബസിറങ്ങിയ സ്ത്രീയെ സാനു ജോസഫ് കാറില് പിടിച്ചുകയറ്റി. കരിമണ്ണൂരിലുള്ള ഇയാളുടെ മെഴുകുതിരി നിര്മ്മാണ യൂണിറ്റിലെത്തിച്ച് പീഡനത്തിനിരയാക്കി. പിറ്റേന്നാണ് സ്ത്രീയെ വിട്ടയക്കുന്നത്. ഇവര് പൊലീസില് പരാകി നല്കിയതോടെയാണ് സംഭവം പുറത്തറിയുന്നത്. കാഞ്ഞാര് പൊലീസും കരിമണ്ണൂര് പൊലീസും സംയുക്തമായി നടത്തിയ അന്വേഷണത്തിനൊടുവിലാണ് പ്രതിയെ കരിമണ്ണൂരില്നിന്ന് പിടികൂടിയത്. വിവാഹിതനും ഒരു കുട്ടിയുടെ പിതാവുമാണ് 40കാരനായ സാനു ജോസഫ്. സ്ത്രീയെ തട്ടിക്കൊണ്ടുപോകാന് സാനുവിനൊപ്പം ഉണ്ടായിരുന്ന സുഹൃത്തിനായി പൊലീസ് തെരച്ചില് തുടരുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam