ആര് കെ നഗര് ഉപതെരഞ്ഞെടുപ്പില് വീണ്ടും ട്വിസ്റ്റ്; വിശാലിന്റെ പത്രിക സ്വീകരിച്ചു
Synopsis
ചെന്നൈ: ആര് കെ നഗര് ഉപതെരഞ്ഞെടുപ്പില് നടന് വിശാലിന്റെ നാമനിര്ദ്ദേശിക പത്രിക സ്വീകരിച്ചു. പിന്തുണച്ചവരില് രണ്ട് പേരുടെ ഒപ്പ് വ്യാജമെന്ന് കാട്ടി നേരത്തെ തെരഞ്ഞെടുപ്പ് കമ്മീഷന് പത്രിക തള്ളിയിരുന്നു. വ്യാജ ഒപ്പ് ഭീഷണിപ്പെടുത്തി ചെയ്യിച്ചതാണെന്ന് ഫോണ് സംഭാഷണമടക്കം പുറത്തുവിട്ട് തെളിയിച്ചതോടെയാണ് തെരഞ്ഞെടുപ്പ് കമ്മീഷന് പത്രിക സ്വീകരിച്ചത്.
പത്രിക തള്ളിയതില് പ്രതിഷേധിച്ച് തണ്ടയാര്പേട്ടൈ റോഡില് കുത്തിയിരുന്ന് പ്രതിഷേധിച്ച വിശാലിനെയും അനുനായികളെയും പൊലീസ് കസ്റ്റഡിയിലെടുത്തു. മാധ്യമങ്ങള്ക്ക് മുന്നില് ക്ഷുഭിതനായും പൊട്ടിക്കരഞ്ഞുമാണ് വിശാല് പ്രതികരിച്ചത്. പിന്തുണച്ചവരെ ഭീഷണിപ്പെടുത്തിയതിന് വീഡിയോ ദൃശ്യങ്ങള് തെളിവുണ്ടെന്ന് വിശാല് ആരോപിക്കുന്നു. ഇതോടെ ആര്കെ നഗറില് സംഘര്ഷാവസ്ഥ നിലനില്ക്കുകയായിരുന്നു. ജയലളിതയുടെ സഹോദരി പുത്രിയായ ദീപ ജയകുമാര് സമര്പ്പിച്ച നാമനിര്ദേശ പത്രികയും സൂക്ഷ്മ പരിശോധനയില് തള്ളിയിട്ടുണ്ട്. നാമനിര്ദേശ പത്രികയില് ദീപയുടെ സ്വത്ത് വിവരം രേഖപ്പെടുത്താത്തിനെ തുടര്ന്നാണ് തിരഞ്ഞെടുപ്പ് പത്രിക തള്ളിയതെന്നാണ് വിവരം.
അന്തരിച്ച മുഖ്യമന്ത്രി ജയലളിതയുടെ നിയമസഭാ മണ്ഡലമായ ആര്കെ നഗറില് സ്വതന്ത്ര സ്ഥാനാര്ത്ഥിയായാണ് വിശാല് ഇവിടെ മത്സരിക്കാന് ഉദ്ദേശിച്ചിരുന്നത്. വിശാലിനെതിരായ ഈ നടപടി രാഷ്ട്രീയ നീക്കമാണെന്നാണ് വിശാല് അനുകൂലികള് ആരോപിക്കുന്നത്. വിശാല് മത്സരിച്ചാല് എഐഡിഎംകെ, ഡിഎംകെ കക്ഷികളുടെ വോട്ടില് ഭിന്നിപ്പുണ്ടാകുമെന്ന് ഉറപ്പായിരുന്നു. ഇത് മനസിലാക്കിയ മുന്നണികളാണ് ഈ നടപടിക്ക് പിന്നിലെന്നാണ് വിശാല് അനുകൂലികള് ആരോപിക്കുന്നത്. നിലവില് സിനിമാ പ്രൊഡ്യൂസേഴ്സ് കൌണ്സില് പ്രസിഡന്റും നടികര് സംഘം ജനറല് സെക്രട്ടറിയുമാണ് വിശാല്. ഈ മാസം 21 നാണ് ആര്കെ നഗര് ഉപതെരഞ്ഞെടുപ്പ്. ഡിസംബര് 24 ന് ഫലം പ്രഖ്യാപിക്കും. ഇ മധുസൂദനനാണ് എഐഎഡിഎംകെയുടെ സ്ഥാനാര്ത്ഥി. മുരുഡു ഗണേഷാണ് ഡിഎംകെ സ്ഥാനാര്ഥി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam