സാന്റിയാഗോ: അര്‍ജന്റൈന്‍ ക്യാപ്റ്റന്‍ ലിയോണല്‍ മെസിയെ പിന്തുണച്ച് ചിലിയുടെ മധ്യനിര താരം അര്‍തുറോ വിദാല്‍. ക്രൊയേഷ്യക്കെതിരേ തോല്‍വിക്ക് ശേഷം മെസി വിമര്‍ശിക്കപ്പെടുമ്പോഴാണ് വിദാലിന്റെ പിന്തുണ എത്തിയത്.
മെസിയെ കുറിച്ച് സംസാരിക്കാന്‍ ബുദ്ധിമുട്ടാണ്. കാരണം അയാള്‍ ഞാന്‍ കണ്ടതില്‍ വച്ച് ലോകത്തിലെ ഏറ്റവും മികച്ച താരമാണ്. എന്നാല്‍ അര്‍ജന്റീനയുടെ ദേശീയ ടീം മെസിയെ ഒരിക്കലും അര്‍ഹിക്കുന്നില്ല. മെസിയെ ഉപയോഗിക്കാന്‍ അവര്‍ക്ക് അറിയില്ല. എന്നാല്‍ എനിക്ക് കൂടുതല്‍ പറയാന്‍ കഴിയില്ല. കാരണം മത്സരങ്ങള്‍ കണ്ടിട്ടില്ല.
ഈ ലോകകപ്പില്‍ ചെറിയ ടീമുകള്‍ കുതിച്ച് കയറുന്ന് കാണുന്നു. അതിനര്‍ത്ഥം ഫുട്‌ബോള്‍ മാറിക്കൊണ്ടിരിക്കുന്നു എന്നുതന്നെയാണ്. ഇപ്പോള്‍ അവധികാലം ആഘോഷിക്കുന്ന വിദാല്‍ ഈ ലോകകപ്പ്് അധികം പിന്തുടരാറില്ലെന്നും പറഞ്ഞു.