കോഴിക്കോട് ചേവായൂര്‍ പോലീസ് സ്റ്റേഷനില്‍ എ.എസ്.ഐയെ തൂങ്ങിമരിച്ച നിലയില്‍ കണ്ടെത്തി. പെരിങ്ങളം സ്വദേശി രാമകൃഷ്ണനാണ് മരിച്ചത്.കോഴിക്കോട് ചേവായൂര്‍ പോലീസ് സ്റ്റേഷനിലെ റസ്റ്റ് റൂമിലാണ് എ.എസ്.ഐ രാമകൃഷ്ണനെ തൂങ്ങി മരിച്ച നിലയില്‍ കണ്ടെത്തിയത്. ഇന്നലെ രാത്രി ഭക്ഷണം കഴിക്കാനായി പോയ ഇദ്ദേഹത്തെ മുക്കാല്‍ മണിക്കൂറിന് ശേഷം മരിച്ച നിലയില്‍ കണ്ടെത്തുകയായിരുന്നു. പെരിങ്ങളം സ്വദേശിയായി രാമകൃഷ്ണന്‍ സ്റ്റുഡന്‍റ് പോലീസ് കേഡറ്റ് ഇന്‍സ്ട്രക്ടര്‍ കൂടിയായിരുന്നു. രണ്ട് ദിവസങ്ങളായി ഇദ്ദേഹം അസ്വസ്ഥനായിരുന്നുവെന്ന് സഹപ്രവര്‍ത്തകര്‍ പറഞ്ഞു. സിറ്റി പോലീസ് കമ്മീഷണര്‍ അടക്കമുള്ള ഉയര്‍ന്ന പോലീസ് ഉദ്യോഗസ്ഥര്‍ ചേവായൂര്‍ പോലീസ് സ്റ്റേഷനിലെത്തി. ശ്രീജയാണ് ഭാര്യ. രണ്ട് മക്കളുണ്ട്.