കൂത്തുപറമ്പില്‍ സിപിഎം പ്രവര്‍ത്തകര്‍ക്കുനേരെ ബോംബേറ്; രണ്ടുപേര്‍ക്ക് പരിക്ക്

കണ്ണൂര്‍: കണ്ണൂർ കൂത്തുപറമ്പ് തൊക്കിലങ്ങാടിയില്‍ ബോംബേറിൽ രണ്ട് സി പി എം പ്രവർത്തകർക്ക് പരുക്കേറ്റു. ബൈക്കില്‍ പോകുകയായിരുന്ന കൂത്തുപറമ്പ് സ്വദേശികളായ ജിതിൻ, ഷഹനാസ് എന്നിവർക്കാണ് പരുക്കേറ്റത്. ഇരുവരെയും തലശേരി സഹകരണ ആശുപത്രിയിൽ പ്രവേശിപ്പിച്ചു. രാത്രി എട്ടരയോടെയായിരുന്നു സംഭവം. കൂത്തുപറമ്പ് പൊലീസ് സ്ഥലത്തെത്തി ബോംബെറിഞ്ഞവരെ കണ്ടെത്താനായി അന്വേഷണം ആരംഭിച്ചു.