മാധ്യമപ്രവര്ത്തകരെ അക്രമിച്ച സംഭവം; 10 അഭിഭാഷകര്ക്കെതിരെ കേസ്
Synopsis
തിരുവനന്തപുരം: തിരുവനന്തപുരം വഞ്ചിയൂർ കോടതിയിൽ മാധ്യമപ്രവർത്തകരെ ആക്രമിച്ച സംഭവത്തിൽ 10 അഭിഭാഷകർക്കെതിരെ കേസ്.ബാർ അസോസിയേഷൻ സെക്രട്ടറി ആനയറ ഷാജി ഉൾപ്പെടെയുള്ളവർക്കെതിരെയാണ് കേസ്. സ്ത്രീകളെ അപമാനിച്ചു എന്നതുൾപ്പെടെയുള്ള വകുപ്പുകളാണ് ഇവർക്കെതിരെ ചുമത്തിയിട്ടുള്ളത്.
അതിനിടെ, മാധ്യമപ്രവർത്തകരെ കോടതിമുറിയിൽ കയ്യേറ്റം ചെയ്ത സംഭവത്തിൽ പോലീസ് അന്വേഷണം തുടങ്ങി. സിറ്റി പൊലീസ് കമ്മീഷണര്ക്ക് നൽകിയ പരാതിയിൽ കോടതി ജീവനക്കാരുടെ മൊഴി രേഖപ്പെടുത്താൻ വഞ്ചിയൂർ പൊലീസ് അനുമതി തേടി. സിറ്റി പൊലീസ് കമ്മീഷണര്ക്ക് നൽകിയ വിശദമായ പരാതിയിലാണ് പൊലീസ് മേൽനടപടികൾ തുടങ്ങിയത്. കേസ് കമ്മീഷണര് വഞ്ചിയൂര് എസ്ഐക്ക് കൈമാറി. കോടതി ജീവനക്കാരുടെ മൊഴിയെടുക്കുന്നതടക്കം നടപടികള്ക്ക് ജഡ്ജിയുടെ അനുമതി പൊലീസ് തേടിയിട്ടുണ്ട്.
മുഖ്യമന്ത്രിയുടേയും ഹൈക്കോടതി ചീഫ് ജസ്റ്റിസിന്റെയും ഉറപ്പ് ലംഘിച്ച് മാധ്യമ പ്രവര്ത്തകരെ കയ്യേറ്റം ചെയ്യുകയും കോടതിമുറിയിൽ നിന്ന് അധിക്ഷേപിച്ച് ഇറക്കി വിടുകയും ചെയ്ത സംഭവത്തിൽ ഗവർണര് ജസ്റ്റ്സ് പിസദാശിവത്തിനും പരാതി നൽകിയിട്ടുണ്ട്. ഹൈക്കോടതി ചീഫ് ജസ്റ്റിസിനും മുഖ്യമന്ത്രിക്കും മാധ്യമപ്രവര്ത്തകര് പരാതി നൽകി.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam