മൂന്നാര് സമര പന്തലില് കയ്യാങ്കളി; പന്തല് പൊളിക്കുമെന്ന് സിപിഎം ഭീഷണി
Synopsis
മൂന്നാര്: മൂന്നാറില് പൊമ്പിളൈ ഒരുമൈ പ്രവര്ത്തകരുെട സമരപന്തലില് കയ്യാങ്കളി. പൊമ്പിളെ ഒരുമൈ പ്രവര്ത്തകര് സമരം ചെയ്യുന്ന പന്തലിലേക്കെത്തി ഒരുകൂട്ടം ആളുകള് പന്തലുകള് പൊളിക്കാന് ശ്രമിച്ചതോടെയാണ് വാക്കേറ്റവും സംഘര്ഷവും തുടങ്ങിയത്. സിപിഎം പ്രവര്ത്തകരാണ് പന്തല് പൊളിക്കാന് ശ്രമിച്ചതെന്നാണ് ആരോപണം.
പുറത്ത് നിന്നെത്തിയവര് സമരം ചെയ്യേണ്ടെന്നും പൊമ്പിളൈ ഒരുമൈ പ്രവര്ത്തകര് സമരം ചെയ്തോട്ടെയെന്നുമാണ് പൊളിക്കാനെത്തിയവര് പറയുന്നത്. നേരത്തെ ആം ആദ്മി പാര്ട്ടിയുമായി പൊമ്പിളൈ ഒരുമൈ പ്രവര്ത്തകര് വിയോജിപ്പിലെത്തിയിരുന്നു. സമരം തങ്ങള് നടത്തിക്കൊള്ളാമെന്നും ആം ആദ്മി പ്രവര്ത്തകര് സമരം ചെയ്യേണ്ടെന്നും അവര് ആവശ്യപ്പെട്ടു.
ഇതിനെ ചൊല്ലി ഇവര്ക്കിടയില് വാക്കു തര്ക്കം നടന്നു. ഇതിനിടെയാണ് പ്രാദേശിക സിപിഎം നേതാക്കളടക്കം എത്തി പന്തല് പൊളിക്കാന് ശ്രമിച്ചത്. എന്നാല് ഇത് സമരക്കാര് ചെറുത്തു. ഇന്ന് രാത്രി പന്തല് പൊളിക്കാന് അുവദിക്കില്ലെന്നാണ് പൊമ്പിളൈ ഒരുമൈ പ്രവര്ത്തകര് പറയുന്നത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam