തിരിച്ചടിച്ച് ഓസ്ട്രേലിയ; ആദ്യ പകുതി ആവേശഭരിതം
Synopsis
ഇന്ന് ജയിച്ചില്ലെങ്കില് ഓസ്ട്രേലിയ ലോകപ്പില് നിന്ന് പുറത്താവും
മോസ്കോ: ലോകകപ്പ് ഗ്രൂപ്പ് സിയില് ഓസ്ട്രേലിയ ഡെന്മാര്ക്ക് പോരാട്ടം ആവേശകരം. ആദ്യ പകുതി പിന്നിടുമ്പോള് ഇരു ടീമുകളും ഒപ്പത്തിനൊപ്പമാണ്. മത്സരം തുടങ്ങി ഏഴാം മിനിറ്റില് മുന്നിലെത്തിയ ഡെന്മാര്ക്കിനെ 39 ാം മിനിട്ടില് ഓസ്ട്രേലിയ സമനിലയില് തളച്ചു. മിലെ ജെഡ്നാക്കാണ് ഓസ്ട്രേലിയക്കായി സമനില ഗോള് നേടിയത്. പെനാല്ട്ടിയിലൂടെയായിരുന്നു ഗോള്.
നേരത്തെ ക്രിസ്റ്റിയന് എറിക്സണിന്റെ വകയായിരുന്നു ഡെന്മാര്ക്കിന്റെ ഗോള്. ഓസ്ട്രേലിയന് ബോക്സില് ജോര്ഗന്സന് നല്കിയ പന്ത് ടോട്ടന്ഹാം താരം ഒരു തകര്പ്പന് വോളിയിലൂടെ വലയിലെത്തിക്കുകയായിരുന്നു.
ഇന്ന് ജയിച്ചില്ലെങ്കില് ഓസ്ട്രേലിയ ലോകപ്പില് നിന്ന് പുറത്താവും. ഫ്രാന്സിനെതിരായ ആദ്യ മത്സരത്തില് അവര് പരാജയപ്പെട്ടിരുന്നു. ഡെന്മാര്ക്കിനാവാട്ടെ വിജയിച്ചാല് പ്രീക്വാര്ട്ടര് ഉറപ്പിക്കാം. ആദ്യ മത്സരത്തില് പെറുവിനെ തോല്പ്പിച്ചാണ് ഡെന്മാര്ക്കെത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam