ബിജെപി ബന്ധത്തിലെ ഉലച്ചില്: ബിഡിജെഎസ് സംസ്ഥാന കൗണ്സില് ഇന്ന്
Synopsis
കോട്ടയം: ബിജെപി മുന്നണി മര്യാദ പാലിച്ചില്ലെന്ന ആരോപണത്തെ ചൊല്ലി എന്ഡിഎ സംസ്ഥാന നേതൃത്വത്തില് ബിജെപി- ബിഡിജെഎസ് ബന്ധത്തില് പൊട്ടിത്തെറി തുടരുന്നതിനിടെ ഇന്ന് ബിഡിജെസ് സംസ്ഥാന കൗണ്സില് യോഗം ചേരും. കോട്ടയം ഏറ്റുമാനൂരില് ചേരുന്ന യോഗത്തില് ബിജെപിക്കെതിരെ രൂക്ഷ വിമര്ശനമുണ്ടാകുമെന്നാണ് സൂചന.
ബിഡിജെഎസ് സംസ്ഥാന അധ്യക്ഷന് തുഷാര് വെള്ളാപ്പള്ളിയുടെ അധ്യക്ഷതയില് ഉച്ചക്ക് 2 മണിക്കാണ് യോഗം ചേരുന്നത്. വാഗ്ദാനം ചെയ്ത പദവികളില് പലതും ലഭിക്കാത്തതിലും കേന്ദ്ര സര്വ്വകലാശാലക്ക് ശ്രീനാരായണ ഗുരുവിന്റെ പേര് നല്കാത്തതിലും ബിഡിജെഎസ് നേതൃത്വം പ്രതിഷേധത്തിലാണ്. മുന്നണി എന്ന നിലയില് ബിജെപിയുടെ പ്രവര്ത്തനം തൃപ്തികരമല്ലെന്നും പ്രവര്ത്തകര്ക്കിടയില് ആക്ഷേപമുണ്ട്. ഇക്കാര്യങ്ങളെല്ലാം ഇന്ന് ചര്ച്ചയായേക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam