ബലാത്സംഗം ചെറുത്ത 13 കാരിയുടെ കണ്ണ് ചൂഴ്ന്നെടുത്തു
Synopsis
പട്ന : ബലാത്സംഗം ചെറുത്ത 13 കാരിയുടെ കണ്ണ് ആണികൊണ്ട് കുത്തിപ്പൊട്ടിച്ചതായി റിപ്പോര്ട്ട്. പട്നയില് നിന്ന് ഭഗത്പൂരിലെ മുത്തച്ഛന്റെയും മുത്തശ്ശിയുടെയും അടുത്ത് എത്തിയ പെണ്കുട്ടിയ്ക്ക് നേരെയാണ് ആക്രമണം ഉണ്ടായത്. അയല്വാസിയാണ് കുട്ടിയെ ആക്രമിച്ചത്. പാടത്തു കൂടി നടന്നു പോകുകയായിരുന്ന പെണ്കുട്ടിയെ 22 കാരനായ ഗേനു ശര്മ്മ എന്ന യുവാവ് കടന്നു പിടിക്കുകയായിരുന്നു. പെണ്കുട്ടി ബഹളം വെച്ചതിനിടെ തുടര്ന്ന് ഗ്രാമവാസികളില് ചിലര് ഇവിടേയ്ക്ക് ഓടിയെത്തി.
ഇതില് കലിപൂണ്ട അക്രമി പെണ്കുട്ടിയുടെ വലതു കണ്ണില് ആണികൊണ്ട് കുത്തുകയും തള്ളിയിടുകയും ചെയ്തശേഷം സ്ഥലത്തു രക്ഷപെടാന് ശ്രമിച്ചുവെങ്കിലും നാട്ടുകാര് പിടികൂടി പോലീസിന് കൈമാറി. ആശുപത്രിയില് പ്രവേശിപ്പിച്ച പെണ്കുട്ടിയെ അടിയന്തര ശസ്ത്രക്രിയയ്ക്ക് വിധേയയാക്കി. കണ്ണിന്റെ റെറ്റിന തകര്ന്നതായാണ് ആശുപത്രിയില് നിന്നുള്ള റിപ്പോര്ട്ട്. അതുകൊണ്ടു തന്നെ കാഴ്ച ശക്തി തിരിച്ചു കിട്ടാനുള്ള സാധ്യത വളരെ കുറവാണെന്നും ഡോക്ടര്മാര് പറയുന്നു.
കണ്ണില് ഇപ്പോഴും രക്തം കട്ടപിടിച്ച് കിടപ്പുണ്ട്. പോലീസ് മുന്പാകെ കുറ്റം സമ്മതിച്ച പ്രതി പെണ്കുട്ടിയെ ബലാത്സംഗം ചെയ്യുകയായിരുന്നു തന്റെ ലക്ഷ്യമെന്നും വെളിപ്പെടുത്തിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam