ബി.ജെ.പി കൗണ്സിലര് സ്ത്രീയെ പൊതുനിരത്തില് വിവസ്ത്രയാക്കി മര്ദ്ദിച്ചു
Synopsis
അഹമ്മദാബാദ്: ഗുജറാത്തിലെ സൂറത്തില് പൊതുനിരത്തില് യുവതിയെ വിവസ്ത്രയാക്കി മര്ദ്ദിച്ചു. ആക്രമണത്തിന് നേതൃത്വം നല്കിയ നാന്പുര അഹ്വാവാർഡ് ബി.ജെ.പി കൗണ്സിലര് പ്രവീണ് കഹാര് ഒളിവിലാണ്.
ബന്ധുവായ യുവാവുമായി അവിഹിതം ആരോപിച്ചാണ് പ്രവീണ് സ്ത്രീയെ മര്ദ്ദിച്ചത്. ഫ്ളാറ്റില് കയറി മര്ദ്ദിച്ച ശേഷം പൊതുനിരത്തിലേക്ക് വലിച്ചിഴച്ച് വിവസ്ത്രയാക്കി മര്ദ്ദനം തുടരുകയായിരുന്നു. അവശയായ സ്ത്രീയെ വഴിയില് ഉപേക്ഷിച്ച് സംഘം രക്ഷപ്പെട്ടു.
സംഭവത്തില് കൂട്ടുപ്രതികളെ പൊലീസ് അറസ്റ്റ് ചെയ്തിട്ടുണ്ട്. ഇവര് ജുഡീഷ്യല് കസ്റ്റഡിയിലാണിപ്പോള്. ആക്രമണത്തിന് ശേഷം സ്ത്രീ പൊലീസ് സ്റ്റേഷനില് പരാതി നല്കുകയായിയുരന്നു. പരാതി സ്വീകരിക്കാന് പൊലീസ് ആദ്യം വിസമ്മതിച്ചതിനാല് മറ്റൊരു സ്റ്റേഷനിലെത്തി പരാതി നല്കുകയായിരുന്നു. എന്നാല് പരാതി സ്വീകരിച്ചെങ്കിലും നടപടിയെടുക്കാന് തയ്യാറാകാത്തതിനെ തുടര്ന്ന് സ്ത്രീ കമ്മീഷണരെ നേരില് കണ്ട് പരാതി നല്കുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam