
ദില്ലി: ബിജെപി ദേശീയ നിർവ്വഹകസമിതിയോഗം ഇന്ന് ദില്ലിയിൽ തുടങ്ങും. രണ്ട് ദിവസത്തെ യോഗത്തിൽ നോട്ട് അസാധുവാക്കിയതിന് ശേഷമുള്ള സ്ഥിതിഗതികളും നിയമസഭാതെരഞ്ഞെടുപ്പിനുള്ള ഒരുക്കങ്ങളുമാണ് പ്രധാന അജണ്ട. നോട്ട് അസാധുവാക്കലിനും കള്ളപ്പണത്തിനുമെതിരെയുള്ള പ്രധാനമന്ത്രിയുടെ നീക്കത്തിന് യോഗം പൂർണ്ണപിന്തുണ പ്രഖ്യാപിക്കും.
നോട്ട് അസാധുവാക്കിയ സാഹചര്യത്തെക്കുറിച്ച് രാജ്യവ്യാപകപ്രചാരണം നടത്താൻ യോഗത്തിൽ ധാരണയാകും. രാവിലെ നടക്കുന്ന ഭാരവാഹികളുടെ യോഗത്തിൽ കേരളത്തിൽ നിന്നും കുമ്മനം രാജശേഖരൻ പി കെ കൃഷ്ണദാസ് എന്നിവർ പങ്കെടുക്കും. ഉച്ചക്ക് ശേഷമാണ് നിർവ്വഹകസമിതി യോഗം ചേരുക. നാളെ പ്രധാനമന്ത്രി യോഗത്തെ അഭിസംബോധന ചെയ്യും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam