കാമുകന്റെ വെടിയേറ്റ് കാമുകി മരിച്ചു; മാതാപിതാക്കൾക്ക് പരിക്ക്
Synopsis
മറ്റൊരാളുമായി ശുഭലാഗ്നയുടെ വിവാഹം നിശ്ചയിച്ചതായും സുല്ത്താനോട് പറഞ്ഞിരുന്നു.
ബംഗാള്: കാമുകിയെ മറ്റൊരാള്ക്ക് വിവാഹം കഴിച്ച് കൊടുക്കാന് അവളുടെ അച്ഛനും അമ്മയും തീരുമാനിച്ചതില് മനംനൊന്ത് കാമുകന്, കാമുകിയെ വെടിവെച്ച് കൊലപ്പെടുത്തി. വെസ്റ്റ് ബംഗാളിലെ ഹൂഗ്ലിയിലാണ് സംഭവം. ശുഭലാഗ്ന (35) എന്ന യുവതിയാണ് കൊല്ലപ്പെട്ടത്. കാമുകന് ഷേക്ക് സുല്ത്താനെ ഹൂഗ്ലീ പൊലീസ് അറസ്റ്റ് ചെയ്തു. കാമുകന് ഷേക്ക് സുല്ത്താന് ശുഭലാഗ്നയുടെ അയല്വാസിയാണ്.
ഇരുവരുടെയും ബന്ധമറിഞ്ഞ പെണ്കുട്ടികളുടെ മാതാപിതാക്കള് ഇതില് നിന്ന് പിന്തിരിയണമെന്നും, മറ്റൊരാളുമായി ശുഭലാഗ്നയുടെ വിവാഹം നിശ്ചയിച്ചതായും സുല്ത്താനോട് പറയുകയായിരുന്നു. തുടര്ന്ന് വ്യഴാഴ്ച്ച പെണ്കുട്ടിയുടെ വീട്ടിലെത്തിയ സുൽത്താൻ മാതാപിതാക്കളെ മര്ദ്ദിക്കുകയും ശുഭലാഗ്നക്ക് നേരെ വെടിയുതിര്ക്കുകയുമായിരുന്നു. പെൺകുട്ടിയുടെ മാതാപിതാക്കളെ പൊലീസ് ഹൂഗ്ലിയിലെ സ്റ്റേറ്റ് ജനറല് ഹോസ്പിറ്റലില് പ്രവേശിപ്പിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam